Medısına • 17 Tamyz, 2022

«Salamatty Qazaqstan» medısınalyq poıyzy SQO-ǵa jetti

60 ret kórsetildi

«Salamatty Qazaqstan» mamandandyrylǵan medısınalyq poıyzy búgin Soltústik Qazaqstan men Aqmola oblysyna jetip, Erkinshilik stansasynyń turǵyndaryn qabyldaýdy bastady, dep habarlaıdy Egemen.kz.

«Salamatty Qazaqstan» mamandandyrylǵan medısınalyq poıyzy Soltústik Qazaqstan oblysy men Aqmola oblysynda óz jumysyn bastady. 17 tamyz ben 9 qazan aralyǵynda jyljymaly emhana 16 stansaǵa toqtap, turǵyndardy qabyldamaq. Jumys ýaqyty tańǵy saǵat 9:00-de bastalyp, túste bir saǵat úzilis jasap, 18:00-ge deıin jalǵasady. Máselen 17-18 tamyz kúnderi Erkinshilik stansııasynda syrqattardy qabyldamaq.

Medısınalyq poıyz mamandary Qazaqstan óńirlerindegi shalǵaı stansııalardyń turǵyndaryn tegin qabyldaýdy jáne tekserýdi maqsat etken. Buǵan deıin 31 shilde men 16 tamyz aralyǵynda medısınalyq poıyz Pavlodar oblysyna baryp, 9 stansııanyń turǵyndaryn qabyldady. Oblysta bolǵan eki apta ishinde konsýltasııalyq-dıagnostıkalyq poıyzdyń mamandary 1600-ge jýyq turǵyndy, onyń ishinde 273 balany, 1319 eresekti qabyldady. Sonyń ishinde jalpy praktıka dárigeri, terapevt pen pedıatrǵa qaralǵandardyń úlesi joǵary - 1104 adam boldy. Hırýrgke 1030 adam, kóz dárigerine 824 adam jazyldy. Medısınalyq poıyzdyń kabınetterinde EKG, ÝDZ jáne flıýorografııalyq tekserister de júrgiziledi.

«Poıyz mamandarynyń qabyldaýyna 1975 jyly týǵan Gúljıhan Serǵazınova esimdi Maraldy stansııasynyń turǵyny keldi. Flıýorografııalyq zertteý barysynda erekshe jaǵdaıdyń kýási boldyq. Naýqasta óte sırek kezdesetin dıagnoz – dekstrokardııa bar ekeni anyqtaldy. Bul degenimiz naýqastyń júregi oń jaǵynda ornalasqan», deıdi «Salamatty Qazaqstan» medısınalyq poıyzynyń jetekshisi Aman Qasenov.

Medısınalyq poıyz Aqmola oblysy men SQO-ǵa saparynan keıin Qostanaı, Qaraǵandy, Ulytaý oblystarynyń stansııalary boıynsha óz jumysyn jalǵastyrady.

«Salamatty Qazaqstan» medısınalyq poıyzy 20 maýsymda Almaty oblysynyń Baıserke stansııasynan jolǵa shyqqan bolatyn.

 

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Iranda narazylyqtar kúsheıdi

Álem • Búgin, 10:57

Uqsas jańalyqtar