30 maýsymda Memleket basshysy Qasym-Jomart Toqaev «Almaty qalasynyń erekshe mártebesi týraly» zańǵa qala qurylysy keńesin qurý týraly erejeni qamtıtyn túzetýlerge qol qoıdy. Onyń mindeti – qala qurylysy saıasatyn júzege asyrýda sheshimder qabyldaý tıimdiligin arttyrý jáne qalanyń turaqty jáne teńgerimdi damýyn qamtamasyz etý. О́zgerister alǵashqy resmı jarııalanǵan kúninen keıin 60 kúntizbelik kún ótken soń, ıaǵnı 1 qyrkúıekten bastap qoldanysqa engiziledi.
«1 tamyzda Almaty ákimi Erbolat Dosaevqa qala qurylysy keńesin qurý týraly qujat jobasy usynylyp, qaýly, reglament ázirleý jáne onyń quramyn bekitý rásimderi bastaldy. Búgin qala ákimi tıisti qaýlyǵa qol qoıdy», delingen habarlamada.
Qujat Almaty qalasy ákimdigi 23 adamnan aspaıtyn mólsherde bekitetin keńestiń quramyn, sondaı-aq fýnksııalaryn, ókiletin, qurylymy men jumys tártibin bekitedi. Qala qurylysy keńesine sáýlet, qala qurylysy, qalataný, kólik, ınklıýzııa, ekologııa, kreatıv ekonomıka, áleýmettaný, ekonomıka salalarynyń mamandary kiredi. Bul rette qaralatyn máselelerdiń erekshelikterine qaraı keńes otyrystaryna basqa sarapshylar da qatysa alady.
Keńes iske asyrýǵa usynylǵan qala qurylysy jáne sáýlet jobalaryn ashyq talqylaý jáne sheshim qabyldaý úshin konsýltatıvtik-keńesshi organǵa aınalatyny atap ótildi.
