Almaty oblysynyń polısııa departamentiniń málimetinshe, jol apaty 23 tamyz kúni saǵat 05.40 shamasynda Jambyl oblysynda bolǵan.
«Almaty-Bishkek» tasjolynyń 92-shi shaqyrymynda «Lada» kóliginiń 33 jastaǵy júrgizýshisi rýldi basqara almaı, qarsy jolaqqa shyǵyp ketip, YuTONG avtobýsymen soqtyǵysqan», dep habarlady vedomstvodan.
Saldarynan kólik júrgizýshisi oqıǵa ornynda kóz jumdy. Avtobýs júrgizýshisi de zardap shekti, ol túrli jaraqattarmen Uzynaǵash aýylynyń aýrýhanasyna jatqyzyldy.
Jol-kólik oqıǵasy faktisi boıynsha qajetti saraptamalar taǵaıyndalyp, Qazaqstan Respýblıkasy Qylmystyq kodeksiniń 345-babynyń 3-bóligimen sotqa deıingi tergeý jumystary bastaldy.
