Nomınaly 500 teńgelik kúmisten, nomınaly 100 teńgelik melhıordan jáne nomınaly 100 teńgelik neızılberden jasalǵan monetalar «Qazaqstannyń ádet-ǵuryptary, ulttyq oıyndary» serııasyn jalǵastyrady.
Tilashar – ár otbasynyń ómirinde kórinis tabatyn erekshe oqıǵalardyń biri. Buryn bul ǵuryp bala alǵashqy sózderdi aıta bastaǵannan bastap jasalǵan. Búgingi tańda bul dástúr bilim alý jolyndaǵy alǵashqy qadamdy bildiredi.
«Monetanyń negizgi betinde, orta tusynda oıý-órnek ústinde Qazaqstan Respýblıkasynyń Memlekettik eltańbasy, jıeginde QAZAQSTAN RESPÝBLIKASY • REPUBLIC OF KAZAKHSTAN degen jazý, tómengi jaǵynda moneta nomınalyn bildiretin sandar ornalasqan. Monetalardyń ekinshi betinde (reversinde) mektep atrıbýty elementteri bar balalar sýretiniń beınesi berilgen, sonymen birge, moneta jasalǵan metaldyń synamasy men massasy, soǵylǵan jyly kórsetilgen», dep sıpattalǵan baspasóz qyzmeti taratqan habarlamada.
Sondaı-aq kúmisten, melhıordan jáne neızılberden jasalǵan monetalardyń bet jaǵy men syrt kelbetindegi beıneler birdeı. Kúmisten jasalǵan monetalar túrli-tústi emal jaǵý tehnologııasyn qoldana otyryp jasalǵan, melhıordan jasalǵan monetalarda ınterferensııalyq qubylmaly bet qabatyn jaǵý tehnologııasy qoldanylǵan.
Kolleksııalyq monetalar Qazaqstan teńge saraıynda daıyndalǵan.
