Oqıǵa ornynda túsirilgen vıdeo áleýmettik jelide jarııalandy.
VOLVO FH júk kóliginiń 39 jastaǵy júrgizýshisi Taraz qalasy jaǵynan Túrkistan oblysy baǵytynda kele jatqan. Ol kólik tizginine ıe bola almaı, jolda turǵan basqa júk kóligine soǵylypty.
Jol boıynda turǵan fýranyń ishinde Túrkistan oblysynyń 37 jastaǵy turǵyny otyrǵan.
Jol apaty saldarynan VOLVO FH júk kóligi órtenip ketti. Zardap shekkender joq.
«Júk kóliginiń 39 jastaǵy júrgizýshisi QR ÁQBtK-niń 610-baby 1-bóligi boıynsha ákimshilik jaýapkershilikke tartyldy», delingen Jambyl oblysynyń Polısııa departamenti taratqan habarlamada.
Polıseılerdiń aıtýynsha, júrgizýshige 20 aılyq eseptik kórsetkish mólsherinde aıyppul salynady nemese 6 aıǵa deıin kólik júrgizý quqyǵynan aıyrylady.
