Otbasynyń elektrondyq kartasy jasalady

Otbasynyń sıfrlyq kartasy – memle­kettik kepildikter boıynsha derbesten­dirilgen otbasynyń bazasy. Otbasynyń sıfrlyq kartasyn engizý memleket taǵa­ıyn­daǵan járdemaqylardy proaktıvti formatta, ıaǵnı tólem alýshynyń ótinishin kútpeı berýdi kózdeıdi.

Máselen, bir jasqa tolmaǵan balasy bar otbasy bala týýy boıynsha beriletin járdemaqy alýǵa quqyly. Kámelet jasqa tolmaǵan tórt jáne odan da kóp balasy bar otbasy bala 18-ge tolǵansha aı saıyn járdemaqy alady. Múgedek bala tárbıelep otyrǵan otbasy múgedektik boıynsha beriletin járdemaqy ala alady. Osyndaı mysaldar óte kóp.

«Otbasynyń sıfrlyq kartasynyń jumys algorıtmi kelesi tásilmen júzege asyrylady – memlekettik kepildik alýǵa quqyǵy bar otbasyna Eńbek mınıstrliginen SMS-habarlama joldanady. Onda azamattyń memlekettik kepildik alýy múmkin ekeni jazylǵan. Budan bólek, SMS-habarlamada azamatqa mem­lekettik kepildikti proaktıvti formatta taǵaıyndaýǵa kelisý nemese kelis­­peý quqyǵy beriledi. Eger azamat kelis­ken jaǵdaıda, onda oǵan járdemaqy taǵaıyndalady. Ol keıin tólem alý­shy­nyń shotyna túsedi», delingen mı­nıstr-­
lik habarlamasynda.

Osy másele boıynsha ótken jınalys barysynda ortalyq memlekettik organ­dardyń, jergilikti atqarýshy organ­dardyń jáne «Azamattarǵa arnalǵan úki­met» KeAQ Otbasynyń sıfrlyq kartasyn iske qosýǵa daıyndyǵy tyńdal­dy. Jınalys qorytyndysy boıynsha 1 qyr­kúıekten bastap Otbasynyń sıfr­lyq kartasyn jekelegen memleket­tik kepildik túrleri boıynsha qanatqaqty joba túrinde júzege asyrý týraly sheshim qabyldandy.