Onyń aıtýynsha, Prezıdenttiń bastamasymen Balalar jylynyń aıasynda «Ulttyq qor – balalarǵa» atty jańa baǵdarlama iske qosylady. Oǵan sáıkes, 2024 jyldan bastap Ulttyq qordyń jyl saıynǵy ınvestısııalyq tabysynyń 50 paıyzy balalar 18 jasqa tolǵanǵa deıin olardyń arnaýly jınaqtaýshy esepshotyna aýdarylady.
«Jınaqtalǵan qarjy balalar kámelet jasyna tolǵannan keıin olardyń baspana nemese bilim alýyna jumsalady.
Úkimet pen Ulttyq banktiń esebi boıynsha elimizde jyl saıyn 400 myń sábı dúnıege keledi. Ár bala 18 jasqa tolǵansha olardyń esepshotynda kemi 3 myń AQSh dollaryna teń qarajat jınalady», dedi Prezıdenttiń baspasóz hatshysy.
Aıta keteıik, Memleket basshysy búgingi joldaýynda Balalar jyly aıasynda «Balalarǵa arnalǵan ulttyq qor» baǵdarlamasyn iske qosý týraly aıtqan bolatyn.
