«Tilsiz jaý óńirge aıtarlyqtaı saldaryn tıgizýde. Turǵyn úıler, orman men aýylsharýashylyq jerleri otqa orandy. О́kinishke qaraı, adam shyǵyny da tirkeldi. Qaza tapqan azamattyń jaqyndary men týǵan-týystaryna qaıǵylaryna ortaqtasyp, kóńil aıtamyz.
Memleket basshysynyń tapsyrmasymen apatty aýyzdyqtaý úshin Arnaıy jedel shtab qurylǵany belgili. Úkimetke tótenshe jaǵdaı saldaryn joıý úshin qajetti qarajat bólý jáne baspanalarynan aıyrylǵan azamattarǵa arnap jańa turǵyn úıler salý jumysyn jedel bastaý jóninde tapsyrma berildi», dep jazdy Máýlen Áshimbaev feısbýktegi paraqshasynda.
Jazbada apatpen kúres jumystaryna Parlament Senaty da óz úlesin qosatyny aıtylǵan.
«Qostanaı oblysynan saılanǵan senatorlar jedel shtabtyń jumysyna atsalysýda. Sondaı-aq Senat depýtattary zardap shekkenderge kómek retinde bir kúndik jalaqylaryn aýdarady. Osyndaı jaǵdaıda birligimizdi tanytyp, judyryqtaı jumylý asa mańyzdy. Zardap shekkenderdiń saýyǵyp ketýlerin jáne jaǵdaıdyń tezirek turaqtalýyn tileımiz», dedi ol.
