Osy maqsatta tekserilgen 7 500 avtokóliktiń 1 200-den astamynda zań buzylǵany anyqtaldy, bul 16%-dan asady.
Bul joba qalanyń qorshaǵan ortany qorǵaý jáne tabıǵatty paıdalaný basqarmasymen, Nur-Sultan polısııa departamentimen jáne akkredıttelgen «EKOSERVIS-S» JShS synaq zerthanasymen birlesip úshjaqty memorandýmǵa sáıkes júzege asyrylady.
Benzın men gazdaǵy avtomobılder úshin qalypqa keltirilgen komponentter – SO (kómirtegi totyǵy), dızelder úshin – tútin kólemi (jaryq aǵynynyń sińirý koeffısıenti) esepteledi. Bul komponentterdiń quramy qoldanystaǵy standarttarda belgilengen mánderden aspaýy kerek:
- «Dóńgelekti kólik quraldarynyń qaýipsizdigi týraly» KO TR 018/2011 Keden odaǵynyń tehnıkalyq reglamenti;
- QR ST 1433-2017 «Jol kóligi. Atmosferalyq aýaǵa avtokólik quraldarynyń paıdalanylǵan gazdary bar lastaýshy zattardyń shyǵaryndylary. Anyqtaý normalary men ádisteri».
Ýyttylyq normalarynyń asyp ketýi ákimshilik quqyq buzýshylyq bolyp sanalady. Bul eskertý jasaýǵa nemese jeke tulǵalarǵa – 10, zańdy tulǵalarǵa – 100 aılyq eseptik kórsetkish mólsherinde aıyppul salýǵa ákep soǵady, al ákimshilik jaza qoldanylǵannan keıin bir jyl ishinde qaıtalap jasalǵan jaǵdaıda jeke tulǵalarǵa – 20, zańdy tulǵalarǵa – 200 aılyq eseptik kórsetkish mólsherinde aıyppul salýǵa ákep soǵady.
