Qoǵam • 05 Qyrkúıek, 2022

Qısynsyz zań quqyq buzýǵa ıtermeleıdi

1351 ret kórsetildi

Memleket basshysy Qasym-Jomart Toqaev «Ádiletti memleket. Birtutas ult. Berekeli qoǵam» Joldaýynda: «Bıýdjet úderisterin barynsha jeńildetý qajet. Memlekettik organdardyń ıgerilmegen qarajatty kelesi jylǵa qaldyrýyna múmkindik berý kerek. Sol arqyly olar aqshany bıýdjetke qaıtarýdyń tıimsiz tártibinen qutylady», deı kelip, osy maqsatta jańa Bıýdjet kodeksi men «Memlekettik satyp alý týraly» jańa zań qabyldaý qajettigin aıtty.

Prezıdent kópshiliktiń, ásirese memlekettik qyzmetshiler men merdigerlik uıymdar basshylarynyń kókeılerinde kópten júrgen mańyzdy máseleni dóp basyp, onyń birden-bir durys sheshi­min usyndy. Sebebi talaı memlekettik qyzmetshi men memlekettik tapsyrys­ty oryndaýshy kásipker jyl sońynda bólingen qarjyny tolyq ıgere almaı, ony qoldanystaǵy zańnamaǵa sáıkes qazynaǵa qaıtarmaý úshin jalǵan akt jasap, quqyq buzýǵa májbúr bolyp júrgeni bel­gili. Buǵan óz basym erterekte oblystyq Tártiptik keńestiń múshesi retinde kóz jetkizgenmin. Tipti keıbir memlekettik qyzmetshige qııanat jasaǵanymyzdaı bolyp kórinip, áli kúnge jadymyzdan shyqpaıtyn jaılar da bar.

Sonyń bir mysaly – Qyzyljar men Kókshetaý óńirine belgili atbegi Ermek Mahatov. Ol uzaq ýaqyt aýdandyq ishki ister bólimin basqaryp, polısııa podpolkovnıgi shenin alyp, zeınetke shyqqan soń úıinde qol qýsyryp otyra almaı, konkýrs arqyly Ýálıhanov aýdany ákiminiń oryn­basary qyzmetine ornalasqan. Bul jaýapty qyzmetin de birneshe jyl boıy abyroımen atqaryp, basshy kadrlar turaqtaı qoımaıtyn shalǵaıdaǵy aýdannyń damýyna ózindik úlesin qosyp júrgen edi. Oıla­maǵan jerden bir kúni oblystyq Tártiptik keńestiń «kilemine» shaqyrylyp, ártúrli kiná taǵylǵan memlekettik qyzmetshilerdiń qataryna qosylyp, aldymyzda qabaǵy túsip turdy.

– Oblystyń eń alys aýdanynda qyzmet istep júrsek te, tozyǵy jetken eski kólik minip, qıynshylyq kórip kelemiz. Soǵan oraı byltyrǵy 18 qarashada bolǵan aýdandyq máslıhattyń sessııasynyń sheshimimen ózim negizgi qyzmetime qosa basqaryp otyrǵan aýdandyq qurylys bólimine jańa avtomobıl satyp alýǵa 2 mıllıon teńge bólindi. Bul qarjy shotymyzǵa túsken soń 5 jeltoqsanda memlekettik satyp alý portalyna baǵa usynystary ádisi boıynsha jeńil avtomobıl satyp alý týraly konkýrs jarııaladyq. Onyń jeńimpazy bolyp, 1 mıllıon 971myń 200 teńge baǵa usynǵan dara kásipker tanyldy. Onyń astanada turatyn basshysymen 12 jeltoqsanda ekijaqty kelisimshart jasastyq. Onda kásipkerdiń «Lada 21214» markaly avtomobıldi 31 jeltoqsanǵa deıin jetkizip beretini atap kórsetildi. Ol bizge shot-faktýraǵa qosa, jazbasha kepildik hatyn da tapsyrdy. Soǵan senip, qazynashylyq organy arqyly tólem jasalatyn sońǵy kún – 28 jeltoqsanda avtomobıl satyp alýǵa bólingen qarjynyń kelisimshartta kórsetilgen somasyn dara kásipkerdiń shotyna aýdaryp jiberdik. Alaıda ol sózinde turmady. Ýaǵdalasqan merzimde kólik qolymyzǵa tımegen soń, ózimiz dabyl qaǵyp, prokýratýra men qarjy polısııasy organdaryna shaǵymdandyq. Sondaı-aq astananyń mamandandyryl­ǵan ekonomıkalyq sotyna júginip, dara kásipkerden aýdarǵan qarjymyzdy óndirip alý týraly sheshimdi de aldyq. Bizdiń eshqandaı bóten oıymyz bolǵan joq. Jyl sońynda bólingen aqshany ýaqtyly ıgermesek, ol soma bıýdjetke qaıtarylyp alynatyndyqtan, osylaı isteýge májbúr boldyq... – dep aqtalǵan-tuǵyn Ermek Mahatov.

Árıne, «Memlekettik satyp alý týraly» Zań boıynsha onyń qolǵa tımegen taýar úshin tolyq aqy tóleýge haqysy joq edi. Bul – sybaılas jemqorlyqqa qarsy kúres zańnamasyn buzý bolyp sanalady. Soǵan oraı biz, oblystyq Tártiptik keńes músheleri, prokýratýranyń usynymymen kelisip, Ermek Mahatovty atqaryp júrgen qyzmetinen bosatý týraly sheshimdi qınala qabyldaǵanbyz.

Endi, mine, Memleket basshysy osyndaı qısynsyz zańnan týyndaıtyn ádiletsizdikti boldyrmaý jolyn taýyp berip otyr. Bul elimizde jyl sońynda tym kóbeıip ketetin sybaılas jemqorlyq quqyq buzýshylyqtar sanyn áldeqaıda azaıta túseri daýsyz. 

Sońǵy jańalyqtar

Muz qursanǵan Ekibastuz

Aımaqtar • Búgin, 21:12

Úmit sáýlesi

Saıasat • Búgin, 21:11

Ult saýlyǵy – uly baılyq

Saıasat • Búgin, 21:09

Sábıdiń ómirin saqtap qaldy

Aımaqtar • Búgin, 21:02

Qataıǵan júrekti jibitetin eriktiler

Aımaqtar • Búgin, 21:01

Teatr baǵytyn talǵam anyqtaıdy

Teatr • Búgin, 20:59

Túrlengen temekiniń bári zııan

Medısına • Búgin, 20:58

MÁMS: Baıbalam salýdyń qajeti joq

Suhbat • Búgin, 20:55

Sańlaqtyń sońǵy samǵaýy

Qazaqstan • Búgin, 20:50

Kitap kókjıegi keńeıip keledi

Rýhanııat • Búgin, 20:41

Álem chempıonaty: Derek pen dáıek

Fýtbol • Búgin, 20:37

«Nemis máshınesi» jolda qaldy

Fýtbol • Búgin, 20:36

Stýdenttik teatr festıvali

Teatr • Búgin, 20:34

«Kúmbirle kúıim, elimde!»

Aımaqtar • Búgin, 20:28

Túrkistanda 200-deı úı jylýsyz qaldy

Aımaqtar • Búgin, 18:15

Uqsas jańalyqtar