Senimdi tyldyń mańyzy joǵary

Áskerı adamdar úshin de otbasynyń ál-aýqatynyń artýy mańyzdy bolyp qala bermek. Bul jańa baǵdarlamalyq qujat elimizdiń basty qundylyǵy – halyq­qa arnalǵandyqtan, ony biz sózsiz qoldaı­myz. Osyǵan sáıkes, halyqtyń memle­ket­pen qarym-qatynasyn qaıta qalyp­tastyrý prosesinde múmkindikter teńdigi men barlyq adamdar úshin ádilet­tilik qamtamasyz etiledi. Birinshi kezekte, bul ulttyq baılyqty ádil bólý jáne qazaqstandyqtardyń bárine birdeı múm­kindik berý. Osynyń bári azamattary­myz­dyń ál-aýqatynyń sapaly ári ınklıýzıvti ósýine barynsha múmkindik berýge tıis.

Joldaýda Ult densaýlyǵy men sapaly bilim berý máselesine aıtarlyqtaı mán berilgen. Halyq danalyǵy «Tárbıe tal besikten bastalady» deıdi. Memleket basshysy Qasym-Jomart Toqaevtyń Ádiletti Qazaqstandy qurýda mektep muǵalimderi sheshýshi ról atqaratynyn jaıdan-jaı atap ótken joq. Sondyqtan jańa mektepter sa­lý mem­lekettik qurylymdardyń ózek­ti min­det­teriniń biri bolyp qala beredi.

Ata Zańymyzda jer men tabıǵı baılyq halyqqa tıesili ekeni aıtylǵan. Bul qazaq­standyq ár otbasynyń ulttyq baılyqtyń qandaı da bir mólsherin paıdalanýyna kepildik beredi. Joldaýda Prezıdent «Balalarǵa arnalǵan ulttyq qor» baǵdarlamasyn usyndy. Osyǵan sáıkes Ulttyq qordyń jyl saıynǵy kirisiniń 50 paıyzy 18 jasqa deıingi balalardyń arnaıy jınaqtaýshy esep shottaryna aýdarylatyn bolady. Bul bastama – óskeleń urpaqty qoldaýǵa baǵyttalǵan kómek.

Qashanda eńbek adamy halyq arasynda qurmetke ıe. Sol sebepti qoǵamda óz isiniń mamanyna jáne eńbekqor jandarǵa qurmet kórsetý basymdyq bolyp qala bermek.

Alaıda memlekettik basqarý júıesi qaıta qurylmasa, ekonomıkalyq reforma jasaý múmkin emes. El Prezıdentiniń saıası qyzmetkerlerdiń jeke jaýapkershiligin arttyra otyryp, memlekettik basqarý júıesin ortalyqsyzdandyrýǵa degen umtylysy ońtaıly sheshim boldy.

Reformalar men jańarý baǵytyn nyq ustana otyryp, memlekettilikti dáıekti nyǵaıta túsý – ýaqyt talaby. Qasym-Jomart Toqaev el múddesi bárinen joǵary ekenin kórsetti. Memleket basshysy jarııa etken Prezıdent mandatyn 7 jylǵa, bir ǵana merzimge shekteý týraly usynysy halyqtan qoldaý tapty.

Qazaqstannyń bolashaǵy – qazaqstan­dyqtardyń óz qolynda. Halyq pen armııa­nyń birtutas ekeni bárimizge málim. Mem­leket basshysynyń bastamalary Qarý­ly kúshterdi damytýǵa, elimizdiń qor­ǵanys qabiletin nyǵaıtýǵa baǵyttalǵany anyq.

Rýslan JAQSYLYQOV,

Qorǵanys mınıstri, general-polkovnık