Jobanyń maqsaty - barlyq aýyldyq eldi mekenderdi bastapqy medısınalyq-sanıtarııalyq kómek uıymdarymen qamtamasyz etý, sondaı-aq aýyl halqyna shuǵyl medısınalyq kómek kórsetý tıimdiligin arttyrý esebinen qalalyq jáne aýyldyq densaýlyq saqtaý arasyndaǵy teńgerimsizdikti qysqartý.
Joba kelesi negizgi mindetterdi sheshýdi kózdeıdi:
- Aýyldarda jetispeıtin medısınalyq pýnktter, feldsherlik-akýsherlik pýnktter, dárigerlik ambýlatorııalar sııaqty BMSK obektilerin salý.
- Respýblıkanyń búkil aýmaǵyn zamanaýı kóp beıindi aýdanaralyq ortalyq aýrýhanalar jelisimen qamtý, sonyń ishinde ınsýlt ortalyqtaryn, kardıologııa, reanımasııa, ońaltý bólimshelerin KT, MRT, ÝDZ, О́JJ jáne basqa da qajetti apparattarmen jaraqtandyrý.
Joba sheńberinde aýyldarda 655 alǵashqy medısınalyq-sanıtarlyq kómek obektilerin salý, rekonstrýksııalaý, qosymsha jaraqtandyrý, sonyń ishinde 700 myńnan astam aýyl turǵyndaryn medısınalyq kómekpen qamtýǵa múmkindik beretin jańa 228 jáne jumys istep turǵandarynyń ornyna 427 obekt salý josparlanyp otyr.
Sonymen qatar, aýyldardaǵy medısınalyq jáne feldsherlik-akýsherlik pýnktter, dárigerlik ambýlatorııalar zamanaýı jabdyqtarmen jabdyqtalady, sondaı-aq tirkeý orny men kútý bólmesi dızaınynyń biryńǵaı tujyrymdamasy paıdalanylatyn bolady.
Densaýlyq saqtaý mınıstrliginiń habarlaýynsha, respýblıkada AMSK nysandarynyń tozýy 51,6%-dy quraıdy, qazirgi ýaqytta 33 apatty nysan bar.
Densaýlyq saqtaý mınıstrliginiń aldyn ala baǵalaýy boıynsha, buǵan shamamen 126,5 mlrd teńge, onyń ishinde bastapqy medısınalyq-sanıtarlyq kómek kórsetýge 9,16 mlrd teńge qajet.
Jańa medısınalyq nysandardy kadrlarmen qamtamasyz etý úshin elimizdiń 61 medısınalyq kolledjinde 16 570 medbıke men 17 585 feldsher daıyndalady dep josparlanýda.
Budan basqa, jumys istep turǵan 12 ortalyq aýdandyq aýrýhanany jańǵyrtý jáne 20 jańa kópbeıindi ortalyq aýrýhanany ashý josparlanýda, olar «altyn saǵat» qaǵıdatyn saqtaı otyryp, ınfarkt, ınsýlt, aýyr jaraqat jáne basqa da jaǵdaılar kezinde shuǵyl medısınalyq kómek kórsete alady.
Nátıjesinde qan aınalymy júıesi aýrýlarynan bolatyn ólim-jitimdi 100 myń turǵynǵa shaqqanda 226,9-dan 134,85-ke deıin tómendetý, 4 mln-nan astam aýyl turǵyndaryn sapaly, jedel jáne joǵary tehnologııalyq medısınalyq kómekpen qamtamasyz etý kútilýde.
Qujat jarııa talqylaý úshin 21 qyrkúıekke deıin Ashyq NQA saıtynda ornalastyrylǵan.
