Jyldaǵy dástúr boıynsha «Qazhrom» TUK» AQ-tyń fılıaly Aqtóbe ferroqorytpa zaýytynda «Men aǵash otyrǵyzdym» korporatıvtik jobasy aıasynda ekologııalyq aksııa ótkizildi. Kásiporynnyń jumysshylary óndiris aımaǵyn kóriktendirý, tabıǵatty qorǵaý baǵdarlamasyn júzege asyrý barysynda jańa ferroqorytpa zaýytynyń aýmaǵyna 200 túp pıramıdalyq terek otyrǵyzdy. Jas kóshetterdi otyrǵyzýǵa 40-tan astam zaýyttyqtar qatysty. Olar tamyr tartyp, boı kótergende álemdegi balamasy joq ındýstrııalyq-ınnovasııalyq baǵdarlama aıasynda salynyp jatqan jańa biregeı ferroqorytpa zaýytynyń mańyn kóriktendiretin bolady. Ekologııalyq sharaǵa qatysqandardyń biri qoldaryna kúrekterin ustap aǵash otyrǵyzsa, endi biri sý tasyp, qyz-kelinshekter jaǵy jasyl jelek ekpeleri jaıqalyp ósse degen yrymmen alqyzyl lenta taqty.
«Men aǵash otyrǵyzdym» aksııasy bizde jyl saıyn uıymdastyrylady. Árdaıym tazalyqty basty nazarda ustaıtyn kásiporynnyń ár sehy, bólimshesi ózderine bekitilgen aımaqtaryn tazalap, qýrap qalǵan aǵashtardyń ornyna jańasyn otyrǵyzyp, abattandyrý men kógaldandyrýǵa bir kisideı atsalysady. Osy aksııa sheńberinde 2008 jyldan bastap zaýyt aımaǵy jyl saıyn jańa kóshettermen tolyǵyp keledi. Gazdan tazartý ýchaskesiniń, daıyn ónimder sehynyń, «Batys-2» shaǵyn aýdanynda ornalasqan zaýyttyqtardyń úıiniń aýlasy, turǵyndar qalashyǵynyń skverine, №1 balqytý sehynyń mańyna, dene shynyqtyrý-saýyqtyrý kesheniniń, jańa tennıs kortynyń aınalasyna aǵash kóshetterin otyrǵyzdyq. Bul otyrǵyzylǵan aǵashtarymyz búginde ǵımarattarǵa kórik berip, jaıqalyp ósýde, deıdi qorshaǵan ortany qorǵaý basqarmasynyń 2-shi dárejeli ınjener-ekology Gúljan Taıkenova. Tehnıkalyq qadaǵalaý bóliminiń qadaǵalaýshysy Dılıara Nurǵojına bıylǵy aksııanyń orny bólek ekenin, óıtkeni jańa ferroqorytpa zaýytynyń mańyna alǵash ret aǵash kóshetteri otyrǵyzylǵanyn, óziniń buǵan alǵashqylardyń biri bolyp atsalysqanyn jetkizdi.
Aǵash otyrǵyzý kásiporynǵa qarasty deneshynyqtyrý-saýyqtyrý kesheninde jalǵasty. Keshen qyzmetkerleri munda 70 túp aǵash otyrǵyzdy. Otyrǵyzylǵan kóshetterdi kútip-baptaý da zaýyttyqtardyń enshisinde.
Satybaldy SÁÝIRBAI,
«Egemen Qazaqstan».
Aqtóbe oblysy.
«Men aǵash otyrǵyzdym» aksııasy bizde jyl saıyn uıymdastyrylady. Árdaıym tazalyqty basty nazarda ustaıtyn kásiporynnyń ár sehy, bólimshesi ózderine bekitilgen aımaqtaryn tazalap, qýrap qalǵan aǵashtardyń ornyna jańasyn otyrǵyzyp, abattandyrý men kógaldandyrýǵa bir kisideı atsalysady. Osy aksııa sheńberinde 2008 jyldan bastap zaýyt aımaǵy jyl saıyn jańa kóshettermen tolyǵyp keledi. Gazdan tazartý ýchaskesiniń, daıyn ónimder sehynyń, «Batys-2» shaǵyn aýdanynda ornalasqan zaýyttyqtardyń úıiniń aýlasy, turǵyndar qalashyǵynyń skverine, №1 balqytý sehynyń mańyna, dene shynyqtyrý-saýyqtyrý kesheniniń, jańa tennıs kortynyń aınalasyna aǵash kóshetterin otyrǵyzdyq. Bul otyrǵyzylǵan aǵashtarymyz búginde ǵımarattarǵa kórik berip, jaıqalyp ósýde, deıdi qorshaǵan ortany qorǵaý basqarmasynyń 2-shi dárejeli ınjener-ekology Gúljan Taıkenova. Tehnıkalyq qadaǵalaý bóliminiń qadaǵalaýshysy Dılıara Nurǵojına bıylǵy aksııanyń orny bólek ekenin, óıtkeni jańa ferroqorytpa zaýytynyń mańyna alǵash ret aǵash kóshetteri otyrǵyzylǵanyn, óziniń buǵan alǵashqylardyń biri bolyp atsalysqanyn jetkizdi.
Aǵash otyrǵyzý kásiporynǵa qarasty deneshynyqtyrý-saýyqtyrý kesheninde jalǵasty. Keshen qyzmetkerleri munda 70 túp aǵash otyrǵyzdy. Otyrǵyzylǵan kóshetterdi kútip-baptaý da zaýyttyqtardyń enshisinde.
Satybaldy SÁÝIRBAI,
«Egemen Qazaqstan».
Aqtóbe oblysy.
