Almaty oblysy jáne Jetisý aýdany boıynsha QIIB-niń №57 mekemesiniń qyzmetkerleri qańtar aıyndaǵy tártipsizdikter kezinde urlanǵan qarý-jaraq pen oq-dárilerdiń ornyn anyqtaý boıynsha jedel-izdestirý jumystaryn júrgizdi.
Qylmystyq-atqarý júıesiniń qyzmetkerleri Taldyqorǵan qalasy IID jáne Eskeldi aýdany SǴQ-men birlesip, aýmaqty tekserý barysynda Eskeli aýdany, Jastar aýylyndaǵy aıaldama mańynda tas astynan patrondary joq Makarov tapanshasyn tapty.
«Qyzmetkerlerimizdiń qyraǵylyǵynyń arqasynda Taldyqorǵan qalasynyń OB qyzmetkerlerimen birlese otyryp, jaqsy úılestirilgen jáne tıimdi jumys júrgizildi», dedi IID basshysy I.Hasenov.
Atalǵan fakti sotqa deıingi tergep-tekserýdiń biryńǵaı tizilimine tirkelip, QR Qylmystyq kodeksiniń 3-bóligi 287-baby boıynsha qylmystyq is qozǵaldy.
