«Nur Otan» partııasynan Saıası menedjment mektebi Aqtaý qalasyndaǵy Sh.Esenov atyndaǵy KMTjIÝ-diń sońǵy kýrsta oqyp júrgen stýdentteri arasynda semınar-trenıng ótkizdi. Eńbek naryǵyndaǵy básekege qabilettiligin kóterý maqsatyndaǵy shara, ıaǵnı atalmysh mektep oqýlary Bilim jáne ǵylym mınıstrligi Jastar isi jónindegi komıtetiniń tapsyrysymen júzege asýda.
Aqtaýdaǵy Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń bazasynda ótken sharaǵa osy oqý ornynyń zań, teńiz salasy, ekonomıka, pedagogıka mamandyqtary boıynsha sońǵy kýrstarda oqıtyn 200-den astam stýdent qatysty. Jastarǵa Saıası menedjment mektebiniń oqytýshylary sabaq berse, «Damý» kásipkerlikti damytý qory» AQ Mańǵystaý oblysy boıynsha aımaqtyq fılıalynyń dırektory B. О́tepbaev qatysyp, qor arqyly qalaı kásip ashýǵa bolatyny týraly málimetter berdi.
Semınar-trenıng barysynda stýdentter elimizdegi «Nazarbaev Ýnıversıteti» syndy JOO-da ǵana emes, «Bolashaq» baǵdarlamasy sheńberinde shetelderde ári qaraı bilim alýdyń múmkindikteri týraly málimetter aldy. Sondaı-aq, jastarǵa bolashaqta jumysqa ornalasýdyń meılinshe perspektıvaly qurylymy men salalary kórsetile otyryp, aǵymdaǵy eńbek naryǵyna saraptama jasaldy, «Jumysqa sátti ornalasý tehnologııasy», «Kóshbasshylyq mashyqtar men menedjment negizderi» taqyryptarynda tájirıbelik trenıngter ótkizildi.
– Laıyqty eńbekpen qamtý – halyqty áleýmettik qorǵaýdyń negizi, adamı resýrstar áleýetin júzege asyrý men damytýdyń mańyzdy sharty, ómir sapasyn arttyrý jáne qoǵamdyq baılyqty kóbeıtýdiń basty quraly. Qazirgi tańda elimizde jumyssyzdyq máselesi jastar arasynda ózekti bolyp tur. JOO túlekteri jumys tájirıbesiniń azdyǵy men tájirıbe mashyqtarynyń joqtyǵynan halyq arasynda áleýmettik qorǵalmaǵan topqa jatady. Sondyqtan, biz olardyń jańadan bastalatyn ómirlerine senimdi serpin berip, óz qabiletterine qaraı jol tańdaı bilýi, tańdaǵan jolǵa túsýde kedergilerden qalaı ótý kerektigin óz tájirıbemiz ben bilimimizge qaraı túsindirýge tyrystyq, – deıdi atalmysh mektep oqytýshysy Janel Sarıeva.
Endi jobany júzege asyrý aıaqtalǵansha aı saıyn oqytylǵan stýdentterdiń jumysqa ornalasý monıtorıngi júrgizilip otyrmaq. Tyńdaýshylardyń jumysqa ornalasýy jáne jumysqa ári qaraı beıimdelýi jóninde saraptama júrgizý úshin barlyq málimetter CRM bazasynda tirkeledi.
– Bizde buǵan deıin de osy baǵytta oqýlar bolǵan. Biraq bul jolǵy semınar trenıng óte joǵary deńgeıde ótýde. Ári biz sońǵy kýrsta oqyp júrgendikten olardyń aıtqandarynyń bári de erteń aldymyzdan shyǵatynyn bilip, barynsha zeıin qoıyp tyńdadyq. Máselen, bıznes-jospardy qalaı jasaý kerek, túıindemeni qalaı durys jazyp, áleýmettik ınternet jelileri arqyly jumysty qalaı ońaı ári tıimdi tabýǵa bolatyny týraly taqyryptar qyzyqtyrdy, – deıdi Sh. Esenov atyndaǵy KMTjI ýnıversıtetinde real mamandyǵy boıynsha bilim alyp jatqan stýdent Janar Sársenova.
JOO jas túlekteriniń eńbek etýdi bastaýyna daıyndaıtyn bul joba olardyń básekege qabilettiligin arttyryp, sátimen jumysqa turýyna yqpal etpek. Sharaǵa qatysqan stýdentterge «Sońǵy kýrs stýdentterin oqytý» atty kitapshalar taratyldy. Onda semınar-trenıngte eki kún boıyna aıtylǵan barlyq keńester jarııalanǵan. Semınardan senimmen shyqqan jastardyń úmiti úlken.
Gúlaıym ShYNTEMIRQYZY,
«Egemen Qazaqstan».
AQTAÝ.
Aqtaýdaǵy Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń bazasynda ótken sharaǵa osy oqý ornynyń zań, teńiz salasy, ekonomıka, pedagogıka mamandyqtary boıynsha sońǵy kýrstarda oqıtyn 200-den astam stýdent qatysty. Jastarǵa Saıası menedjment mektebiniń oqytýshylary sabaq berse, «Damý» kásipkerlikti damytý qory» AQ Mańǵystaý oblysy boıynsha aımaqtyq fılıalynyń dırektory B. О́tepbaev qatysyp, qor arqyly qalaı kásip ashýǵa bolatyny týraly málimetter berdi.
Semınar-trenıng barysynda stýdentter elimizdegi «Nazarbaev Ýnıversıteti» syndy JOO-da ǵana emes, «Bolashaq» baǵdarlamasy sheńberinde shetelderde ári qaraı bilim alýdyń múmkindikteri týraly málimetter aldy. Sondaı-aq, jastarǵa bolashaqta jumysqa ornalasýdyń meılinshe perspektıvaly qurylymy men salalary kórsetile otyryp, aǵymdaǵy eńbek naryǵyna saraptama jasaldy, «Jumysqa sátti ornalasý tehnologııasy», «Kóshbasshylyq mashyqtar men menedjment negizderi» taqyryptarynda tájirıbelik trenıngter ótkizildi.
– Laıyqty eńbekpen qamtý – halyqty áleýmettik qorǵaýdyń negizi, adamı resýrstar áleýetin júzege asyrý men damytýdyń mańyzdy sharty, ómir sapasyn arttyrý jáne qoǵamdyq baılyqty kóbeıtýdiń basty quraly. Qazirgi tańda elimizde jumyssyzdyq máselesi jastar arasynda ózekti bolyp tur. JOO túlekteri jumys tájirıbesiniń azdyǵy men tájirıbe mashyqtarynyń joqtyǵynan halyq arasynda áleýmettik qorǵalmaǵan topqa jatady. Sondyqtan, biz olardyń jańadan bastalatyn ómirlerine senimdi serpin berip, óz qabiletterine qaraı jol tańdaı bilýi, tańdaǵan jolǵa túsýde kedergilerden qalaı ótý kerektigin óz tájirıbemiz ben bilimimizge qaraı túsindirýge tyrystyq, – deıdi atalmysh mektep oqytýshysy Janel Sarıeva.
Endi jobany júzege asyrý aıaqtalǵansha aı saıyn oqytylǵan stýdentterdiń jumysqa ornalasý monıtorıngi júrgizilip otyrmaq. Tyńdaýshylardyń jumysqa ornalasýy jáne jumysqa ári qaraı beıimdelýi jóninde saraptama júrgizý úshin barlyq málimetter CRM bazasynda tirkeledi.
– Bizde buǵan deıin de osy baǵytta oqýlar bolǵan. Biraq bul jolǵy semınar trenıng óte joǵary deńgeıde ótýde. Ári biz sońǵy kýrsta oqyp júrgendikten olardyń aıtqandarynyń bári de erteń aldymyzdan shyǵatynyn bilip, barynsha zeıin qoıyp tyńdadyq. Máselen, bıznes-jospardy qalaı jasaý kerek, túıindemeni qalaı durys jazyp, áleýmettik ınternet jelileri arqyly jumysty qalaı ońaı ári tıimdi tabýǵa bolatyny týraly taqyryptar qyzyqtyrdy, – deıdi Sh. Esenov atyndaǵy KMTjI ýnıversıtetinde real mamandyǵy boıynsha bilim alyp jatqan stýdent Janar Sársenova.
JOO jas túlekteriniń eńbek etýdi bastaýyna daıyndaıtyn bul joba olardyń básekege qabilettiligin arttyryp, sátimen jumysqa turýyna yqpal etpek. Sharaǵa qatysqan stýdentterge «Sońǵy kýrs stýdentterin oqytý» atty kitapshalar taratyldy. Onda semınar-trenıngte eki kún boıyna aıtylǵan barlyq keńester jarııalanǵan. Semınardan senimmen shyqqan jastardyń úmiti úlken.
Gúlaıym ShYNTEMIRQYZY,
«Egemen Qazaqstan».
AQTAÝ.
