«Aldaǵy aptada elordamyzda Álemdik jáne dástúrli dinder kóshbasshylarynyń VII sezi ótedi. Sezd sheńberinde álemniń 50 elinen 108 delegasııa, sondaı-aq saıası jáne qoǵam qaıratkerleri, halyqaralyq uıymdardyń ókilderi, sarapshylar qatysady dep kútilýde. Qazaqstan Respýblıkasynyń Prezıdenti Qasym-Jomart Toqaev sezdi qazirgi jaǵdaıda ótkizýdiń mańyzy joǵary ekenin erekshe atap ótti», dedi ákim orynbasary E. Baıken.
Is-sharanyń ashylýynda memlekettik organdardyń dinı birlestiktermen turaqty birlesken jumysyn uıymdastyrý memlekettik-konfessııalyq qatynastardyń damýyna jáne elordadaǵy jalpy dinı jaǵdaıǵa oń áser etetinin atap ótti.
Sonymen qatar, kezdesý aıasynda Prezıdenttiń Qazaqstan halqyna joldaýy talqylandy. Dinı birlestik basshylary memleket qyzmetiniń áleýmettik, rýhanı jáne mádenı salalaryn nyǵaıtýǵa baǵyttalǵan Prezıdent usynǵan bastamalardy biraýyzdan qoldady.
