Sol joly Prezıdent «QazMunaıGaz» ulttyq kompanııasyna munaı ken oryndarynyń birte-birte tozýyna, 2030 jylǵa qaraı óndiriletin munaıdyń azaıýyna baılanysty óńirde geologııalyq-barlaý jumystarynyń jeke josparyn ázirleýdi tapsyrǵan-dy. Osy tapsyrma aıasynda О́zen jáne Qaramandybas ken oryndaryn ońaltý josparynyń tujyrymdamasy daıyndaldy.
О́tken juma kúni «QazMunaıGaz» UK» AQ Basqarma tóraǵasy Maǵzum Myrzaǵalıev, «О́zenmunaıgaz» AQ bas dırektory Maqsat Ibaǵarov, «QMG Injınırıng» JShS bas dırektory Baqytjan Hasanov, munaı-gaz salasynyń ardagerleri, geologter, qoǵam qaıratkerleri jáne Jańaózen qalasynyń depýtattary atalǵan tujyrymdamany talqylady.
Soǵan sáıkes ońaltý sharalarynyń nátıjesinde ken oryndaryndaǵy munaı óndirý deńgeıi birneshe jyl aralyǵynda kezeń-kezeńimen 6-6,5 mln tonnaǵa deıin jetýge tıis. Josparlanǵan ister osy kórsetkishti aldaǵy 10 jyl boıy saqtap turýǵa múmkindik beredi.
«QazMunaıGaz» ulttyq kompanııasy» AQ Basqarma tóraǵasy Maǵzum Myrzaǵalıevtiń paıymynsha, ázirlenip jatqan jospar Jańaózen qalasynyń áleýmettik-ekonomıkalyq turaqtylyǵyn qamtamasyz etýge de eleýli úles qosady.
– Búginde «О́zenmunaıgaz» munaı óndirý kórsetkishterin tolyq oryndaı almaı otyr. Tehnıkalyq jáne geologııalyq máselelerge baılanysty munaı óndirý kólemin birqalypty deńgeıde ustap turý qıynǵa soǵýda. Jyl saıynǵy kúrdeli salymdardyń deńgeıine qaramastan, «О́zenmunaıgazǵa» qarasty ken oryndarynda munaı óndirý kólemi azaıyp barady. Sonyń saldarynan kompanııanyń kirisi tómendep, qazirgi qyzmetkerler sanyn saqtap qalý men olarǵa eńbekaqy tóleýde túıtkil týyndaıdy. Boljam boıynsha kompanııa 2024 jyly tabys tıimdiliginiń shegine jetedi, – dedi «QazMunaıGaz» ulttyq kompanııasy» AQ Basqarma tóraǵasy.
Maǵzum Myrzaǵalıev jumys sapary barysynda Mańǵystaý oblysynyń kásipodaq uıymdary basshylarymen de kezdesti. Kezdesý barysynda eńbek ujymdaryn jıi tolǵandyratyn máseleler kóterildi. Olardyń qatarynda eńbekaqy jáne kenishterde elektr energııasynyń jıi óshirilýi bar.
«QazMunaıGaz» basshysy Jańaózen qalasyn damytýǵa baǵyttalǵan kompanııa jobalaryna bólek toqtaldy. Aldaǵy ýaqytta bul qalada «Astrahan-Mańǵystaý» magıstraldy sý qubyryn rekonstrýksııalaý jáne keńeıtý, Kendirlide sý tushytý zaýytyn jáne Jańaózende jańa gaz óńdeý zaýytyn salý jobalary júzege asyrylmaqshy.
Sonymen qatar Jańaózen qalasyna áleýmettik qoldaý kórsetý aıasynda kompanııa eki sport kesheniniń qurylysyn aıaqtaýǵa taıaý. Oqýshylar saraıynyń qurylysy bastaldy. Buǵan qosa, qalada 16 sport alańyn salý týraly sheshim qabyldandy. Sondaı-aq ulttyq kompanııa «Jarqyn bolashaq» baǵdarlamasy boıynsha Jańaózenniń elimizdiń úzdik kolledjderi men mektep-ınternattaryna oqýǵa qabyldanǵan daryndy balalaryna oqý men baspana aqysyn tóleıdi.
