Jas jubaılarǵa «Báıterek» monýmentiniń basynda Esil aýdany ákiminiń orynbasary Dármenııar Qydyrbekuly, Nur-Sultan ákimdigi janyndaǵy Áıelder isteri jáne otbasylyq-demografııalyq saıasat jónindegi komıssııanyń hatshysy Qarlyǵash Sarkenova, elordanyń áıelder kúshteri Alıansynyń tóraǵasy Nazgúl Maqjan neke kýáligin tabys etti.
Jas jubaılar arasynda elordalyq mektepterdiń biriniń muǵalimderi Batyrbek Aqan men Mádına Qabdenova da bar.
«Biz №78 mektep-gımnazııada oqytýshy bolyp jumys isteımiz. Sol jerde tanystyq. Otbasyn qurýǵa sheshim qabyldaǵanǵa deıin bir jyl kezdesip júrdik. Bizge neke týraly kýálik osyndaı saltanatty jaǵdaıda berilgenine óte qýanyshtymyz. Bul kún Otbasy kúnimen sáıkes kelýi kezdeısoq emes. Biz ata-anamyz sııaqty baqytty jup bolamyz dep oılaımyz. Otbasynyń qundylyǵy — eki adamnyń bir-birine qurmeti dep sanaımyz», deıdi jas jubaılar.
О́ten Ahmet pen Raıhan Tilegenova gaýhar toılaryn atap ótip jatqan otbasylyq jup. Birneshe jyl boıy otaǵasy jýrnalıstıka salasynda túrli qyzmetter atqardy, al jubaıy kitaphanashy bolyp jumys istedi.
«Biz jubaıymyzben 1961 jyly 31 jeltoqsanda Almatyda jańa jyl keshinde tanystyq. Bir jyldan keıin úılendi. Sodan beri biz birgemiz. Bıyl bizdiń otbasymyzǵa 60 jyl tolady. Meniń oıymsha, otbasylyq baqyttyń qupııasy-ózara túsinistik pen qoldaý. Sebebi ómir joly árdaıym tegis bola bermeıdi. Mahabbat pen qurmet qatar júrýi kerek. Sondaı-aq biz otbasylyq qundylyqtardy joǵary baǵalaımyz. Bizde eki bala, 6 nemere jáne úsh shóbere bar. Biz olarǵa otbasylyq úılesimdiliktiń úlgisin kórsettik», dedi elorda turǵyny Raıhan Tilegenova.
