Áleýmettik kodeks jobasynda eńbekke qabiletti jastaǵy azamattardy jappaı oqytý arqyly kásibı daǵdylardy qalyptastyrý esebinen adamı kapıtaldy josparly túrde arttyrý jáne qazaqstandyqtardyń básekege qabilettiligin arttyrý úshin yńǵaıly jaǵdaılar jasaý kózdeledi.
Eńbekke qabiletti azamattardy oqytý úshin maqsatty sanyn birneshe ese arttyrý josparlanýda.
Máselen, eger buryn Eńbek jáne halyqty áleýmettik qorǵaý mınıstrliginiń jelisi boıynsha azamattardyń jekelegen sanattaryna jatatyn shamamen 500 myń adam oqytýmen qamtylsa, endi oqytý úshin nysanaly kontıngentke sanattary men mártebesine qaramastan 9 mln adamǵa deıin eńbekke qabiletti jastaǵy barlyq azamattar kiredi.
Bul rette jańa daǵdylardy alýǵa qoljetimdilik úshin jaýapkershilik memleket, jumys berýshi jáne azamattardyń ózderi arasyndaǵy jańa áleýmettik kelisimshart sheńberinde bólinedi.
«Atap aıtqanda, memleket jumys berýshilerdiń ótinimderi boıynsha jumyssyzdar men halyqtyń jekelegen nysanaly sanattary úshin qysqa merzimdi tegin oqytý kýrstaryn uıymdastyrady. Bul rette olarǵa oqytýdyń túrli formattary, onyń ishinde skills.enbek.kz platformasynda onlaın oqytýdy usyný kózdelýde. Búgingi kúni bul platformada 151 kýrs ornalastyrylǵan, onyń 97-inen tegin ótýge bolady. Al jumys berýshiler óz qyzmetkerleri úshin jańa tehnologııalardy engizýdi nemese jańa óndirister ashýdy eskere otyryp, biliktilikti arttyrý, qaıta beıindeý kýrstaryn uıymdastyrady. Oqytý jumys berýshiniń tańdaýy boıynsha jumys oryndarynda, oqý ortalyqtarynda nemese bilim berý uıymdarynyń bazasynda ótedi», delingen vedomstvo aqparatynda.
Sondaı-aq azamattar áleýmettik mártebesine baılanysty memleket nemese jumys berýshiler uıymdastyratyn tegin kýrstardan óte alady nemese aqyly kýrstardy óz qalaýy boıynsha tańdaı alady.
Vedomstvo habarlamasynda elimizdiń joǵary oqý oryndary men kolledjderinde oqytý sapasyn jaqsartý úshin keshendi sharalar qabyldanatyny aıtyldy. Ulttyq biliktilik júıesin qaıta júkteý dál osyǵan baǵyttalǵan.
«Jumys berýshiler kásiptik standarttar arqyly bilim berý baǵdarlamalary jańartylatyn jumys kúshiniń daǵdylaryna talaptar qoıady. Kásibı biliktilikterdi taný ortalyqtary kásibı biliktilikterdi, onyń ishinde resmı, beıresmı jáne ınformaldy bilim berý arqyly alynǵan mamandardyń jekelegen daǵdylaryn baǵalaıdy jáne tıisti sertıfıkattar beredi», dep qosty mınıstrlikten.
