10 qyrkúıekte Rýdnyı qalasy Polısııa basqarmasynyń jergilikti polısııa qyzmetkerleri 32 jastaǵy azamattyń basqarýymen VAZ-2110 avtokóligin toqtatty. Tekserý barysynda kólik quralynyń júksalǵyshynan qońyr tústi daqtarymen janýardyń tuıaqtary bar qap tabyldy.
«Tekserý barysynda Fedorov aýdany Vladykın aýylynyń mańynda óziniń tanysymen er adam elikti tirkelmegen qarýdan atyp óltirgeni anyqtaldy. Olar janýardy bólshektep ekige bólip alǵan. Er adamdardyń elikti atýǵa ruqsat qujattary bolǵan joq», dep habarlady Qostanaı oblysy PD JPQB Tabıǵatty qorǵaý polısııasy bóliminiń qyzmetkeri Ǵazretǵalı Álimǵazın.
Qazirgi ýaqytta zańsyz ań aýlaý faktisi boıynsha QR QK 337-baby 1-bóligi boıynsha sotqa deıingi tergeý amaldary júrgizilýde.
