«12 qyrkúıekten bastap Qazaqstannyń avıasııalyq ákimshiliginiń buıryǵymen Almaty halyqaralyq áýejaıynda profılaktıkalyq is-sharalardy júrgizýge baılanysty qaýipsizdik sharalary engizildi. Halyqaralyq tirkeý zalynyń aldyna qosymsha skrınıng jelisi ornatyldy. Halyqaralyq reıstermen ushatyn barlyq jolaýshylardy áýejaıǵa aldyn ala kelýlerin suraımyz», dep habarlady áýejaıdyń baspasóz qyzmeti.
Sondaı-aq «Eır Astana» jolaýshylardy tekserý jáne tirkeý prosedýralarynan ótý úshin Qazaqstan áýejaılaryna aldyn ala kelýdi suraıdy.
«Bul Avıasııa ákimshiliginiń buıryǵymen 2022 jylǵy 12 qyrkúıek pen 30 qyrkúıek aralyǵynda qazaqstandyq áýejaılarda kúsheıtilgen qaýipsizdik sharalarynyń engizilýine baılanysty», dep habarlady áýe kompanııasynyń baspasóz qyzmeti.
