«Qazirgideı qıyn kezeńde din lıderleriniń bir ústelde kezdesýi óte mańyzdy. Bul búkil adamzatqa ortaq pikirge kelip, kez-kelgen másele boıynsha sheshim tabýǵa bolatyndyǵyn kórsetedi. Meniń oıymsha, Sezdiń basty mıssııasy men ereksheligi naq osynda», dedi Qasym-Jomart Toqaev.
Aıta keteıik, búgin elordadaǵy Táýelsizdik saraıynda QR Prezıdenti Qasym-Jomart Toqaevtyń qatysýymen Álemdik jáne dástúrli dinder kóshbasshylarynyń VII Sezi ótýde.
VII Sezdiń basty taqyryby - pandemııadan keıingi kezeńde adamzattyń rýhanı jáne áleýmettik damýyndaǵy álemdik jáne dástúrli dinder kóshbasshylarynyń róli.
Dinı forýmnyń ereksheligi - Joǵarǵy ımam Ál-Azhar Sheıh Ahmed at-Taıebtiń, Izraıldiń Ashkenazı ravvıni Davıd laýdyń, Rım Papasy Fransısktiń Qazaqstanǵa resmı saparlary.
Rım Papasynyń Sezge resmı sapary barysynda Rım-Katolık shirkeýiniń latyn saltyndaǵy negizgi lıtýrgııalyq qyzmet - aýqymdy dinı messa ótedi. Messaǵa túrli din men konfessııa ókilderi qatysady dep kútilýde.
