Elordadaǵy Saraıshyq kópirinde júrip jatqan jóndeý jumystary aıaqtalar emes. Buryn kópirde temirbeton plıtasynda shuńqyrlar túrindegi aqaýlar tabylǵan edi.
Ákimdik habarlaǵandaı, avtomobıl kópiriniń bir bóliginde jóndeý jumystary aıaqtaldy.
«Osy jyldyń 16 qyrkúıeginen qazan aıynyń sońyna deıin jóndeý jumystary kópirdiń ekinshi jaǵynda júrgiziledi. Osyǵan baılanysty R.Qoshqarbaev dańǵylynan bastap Máńgilik El dańǵyly men Saraıshyq kóshesiniń qıylysyndaǵy kólik aıyrymyna deıingi ýchaskede avtokólik quraldary úshin qozǵalys ishinara jabylady», delingen habarlamada.
Aıta ketý kerek, kópirde eki baǵytta da qozǵalys saqtalǵan.
Eske sala ketsek, Saraıshyq kópirine jóndeý jumystary 12 jyl buryn júrgizilgen. Osy ýaqyt ishinde kólik aǵyny da ulǵaıyp, kópirde jaryqtar men shuńqyrlar paıda boldy.
Sońǵy jyldary elordada 400-den astam jol jóndelip, salyndy.
