«Barys» pen «Avangard» elordada eki kúnde eki kezdesý ótkizdi. «Barys Arena» muzaıdynyndaǵy birinshi matchta Andreı Skabelka shákirtteri 5:3 esebimen jeńiske jetkenimen, keıingi oıynda ese jiberip qoıdy. Qarymta kezdesýdiń alǵashqy kezeńin sátti bastaǵan qonaqtar 2:0 esebimen alǵa shyǵyp aldy. Degenmen kezeńniń aıaqtalýyna eki mınýt qalǵanda «Barys» sapynan Egor Petýhov mergendigimen kózge túsip, esep aıyrmasyn qysqartty – 1:2.
Úzilisten keıin de «Avangard» hokkeıshileri belsendilikterin bir sátke de tómendetpeı, Andreı Shýtov qorǵaǵan qaqpaǵa jaýapsyz tórt shaıba soqty. Úshinshi kezeńde elordalyqtardan Lınden Veı gol soǵyp, tablodaǵy kórsetkishti 2:5-ke jetkizgenimen, matchty jeńispen túıindeı almady. Kezdesýdiń sońyna deıin 2:5 esebi saqtalyp qaldy. Osylaısha, eki ujym eki oıynda bir-bir jeńiske qol jetkizdi.
«Shyǵys» konferensııasynyń jetinshi týr oıyndarynan keıin «Barys» bes upaımen 11 komandanyń ishinde toǵyzynshy orynda keledi. Al «Avangard» úsh upaımen 10-orynǵa kóterilip aldy.
