Jerlesimiz halyqaralyq týrnırdiń jartylaı fınalynda álemniń 65-raketkasy rýmynııalyq Anna Bogdanmen kezdesip, eki setke jalǵasqan matchta 6:1, 6:1 esebimen basym tústi. E.Rybakına fınalda WTA reıtınginde 82-orynda turǵan 26 jastaǵy chehııalyq Katerına Sınıakovamen sheberlik baıqasady. Eki tennısshi buǵan deıin kortta bir-birimen alty márte kezdesip, onyń tórteýinde Rybakına basymdyq tanytqan. Al eki matchta chehııalyq tennısshi jeńiske jetti. Eń sońǵy ret eki tennısshi osy jyldyń mamyr aıynda Madrıdte oınap, Katerına Sınıakova jaraqatyna baılanysty matchty jalǵastyrýdan bas tartqan bolatyn.
Aıta keteıik, bul – Elena Rybakınanyń jekeleı syndaǵy onynshy fınaly. Ol buǵan deıin Wimbledon-2022 jarysynda top jarǵan bolsa, onyń aldynda 2019 jyly Rýmynııadaǵy, 2020 jyly Aýstralııadaǵy týrnırlerde bas júldeni oljalaǵan. Sondaı-aq alty ret WTA sanatyndaǵy jarystyń fınalısi atanǵan.
