Qoǵam • 21 Qyrkúıek, 2022

Eýropa elderinen ereksheligimiz eskerilse...

1338 ret kórsetildi

Qazaq eli dúnıe júzindegi toǵyzynshy terrıtorııany enshilep otyr. Ushqan qus­tyń qanaty talatyn keń-baıtaq jeri­mizge Fransııa, Germanııa, Ulybrıtanııa, Ispanııa, Aýstrııa, Nıderland, Ja­ponııa elderi birge syıyp ketedi eken. Bul – Qazaqstannyń Eýropa memleketteri­nen basty ereksheligi. Alaıda osy ma­ńyzdy erekshelik elimizdiń áleýmettik-eko­no­mıkalyq damý baǵdarlaryn aıqyn­daý kezinde keıde jete eskerilmeı, eýropa­lyq standarttardy jóndi-jónsiz tyqpa­laýdyń aıaǵy ókinishti saldarlarǵa ákelip soǵyp jatady.

Máselen, buryn árbir shaǵyn aýyldyń ózinde medısınalyq pýnkt jumys istep, naýqasqa shaldyqqan adamdarǵa alǵash­qy medısınalyq-sanıtarlyq qyzmetti kór­se­týshi edi. О́kinishke qaraı, Úkimet «Qazaqstan Respýblıkasynyń densaýlyq saqtaý uıymdary jelisiniń memlekettik normatıvin bekitý týraly» 2009 jylǵy 9 sáýirdegi №494 qaýlysymen aýyldyq eldi mekenderdegi densaýlyq uıymda­ryn «ońtaılandyrýdy» jón dep sheshken. Sóı­tip turǵyndarynyń sany 800 adamǵa jetpeıtin shaǵyn aýyldardaǵy medısınalyq pýnktterdiń birsypyrasy jabyldy. Al birazynda qyzmet istep turǵan feldsher­lik-akýsherlik pýnktter qyzmetkerleri­niń sany qysqartylyp, medısınalyq pýnkt­terge aınaldyryldy. Halqynyń sany 2 myń adamǵa jetpeıtin aýyldardaǵy dári­gerlik ambýlatorııalardyń shtaty da «qaı­shyǵa ilinip», feldsherlik-akýsherlik pýnktter bolyp qaıta quryldy. Sondaı-aq turǵyndarynyń sany 10 myń adam­ǵa jetpeıtin aýyldyq eldi mekenderdegi aýrýhanalardyń dárigerleri de qysqartýǵa ushyrap, mundaı densaýlyq saqtaý uıym­dary dárigerlik ambýlatorııalar re­tin­de qaldyryldy. Osyndaı eýropalyq stan­darttarǵa saı «ońtaılandyrý» halyq den­saýlyǵyna teris áserin tıgizgeni anyq. Ási­rese qysy qatal soltústik óńirlerde qatty borandy kúnderi joldar jabylyp, «Jedel járdem» kólikteri óte almaı qalatyndyqtan, dárigeri joq aýyldardaǵy talaı naýqas der kezinde tıisti medısınalyq kómekti ala almaı qınalyp, densaýlyq jaǵdaıyn nasharlatyp alǵany, al qaısybiri jantásilim bolǵany jasyryn emes.

Budan tórt jyldaı buryn Qaraǵandy oblysynyń shalǵaıyndaǵy Shet aýdanynyń Aqjal kentine jolymyz túsken edi. Sonda jergilikti turǵyndar 4 myń adam turyp jat­qan kenttegi aýrýhana qysqartylyp, dári­gerlik ambýlatorııaǵa aınaldyrylǵanyna úlken renish bildirgen. Sebebi olar ábden tozyǵy jetken jalǵyz «Jedel járdem» kóligimen mashaqat shegip, aýdan ortalyǵy men Balqash qalasyndaǵy aýrýhanalarǵa baryp emdelýge májbúr bolyp júr eken. Olar jabylyp qalǵan aýrýhanany qaıtadan ashý­ǵa, tym bolmasa naýqastardy tasymaldaýǵa yńǵaıly zamanaýı reanımobıl bólýge kómektesýimizdi suraǵan. Aqjaldyqtardyń osy muqtajdyǵyn keıin sol kezdegi oblys ákimi Erlan Qoshanovqa jetkizgenbiz. Ol Aqjal kentindegi dárigerlik ambýlatorııany reanımobılmen qamtamasyz etý máselesin birden sheship bergen-di. Al burynǵy aýrýhanany qalpyna keltirý Densaýlyq saqtaý mınıstrliginiń quzyretinde edi.

Memleket basshysy Qasym-Jomart Toqaev «Ádiletti memleket. Birtutas ult. Berekeli qoǵam» Joldaýynda: «Medısı­nalyq ınfraqurylymdy keshendi túrde jaqsartýǵa basa nazar aýdarý kerek... Men kelesi jyldan bastap ulttyq jobany jú­zege asyrýdy tapsyrdym. Bul qujat, eń aldy­men, aýyl turǵyndarynyń suranysyn qanaǵattandyrýǵa arnalǵan.

Búginde elimizdegi 650 eldi mekende emdeý mekemesi joq. Aldaǵy eki jylda bul aýyldarda medısınalyq jáne feldsherlik-akýsherlik bólimsheler salynyp, qajetti qural-jabdyqpen tolyq qamtamasyz etiledi. Osylaısha, memleket bir mıllıonnan astam adamnyń alǵashqy medısınalyq-sanıtarlyq kómek alýyna múmkindik jasaıdy», dedi. Prezıdent aıtqan 650 aýyldyq eldi meken­niń alǵashqy medısınalyq-sanıtarlyq kómek kórsetetin mekemesiz qalǵany – Úki­met­tiń joǵaryda atalǵan qaýlysynyń saldary. Ony daıyndaǵan Densaýlyq saqtaý mınıstrliginiń sheneýnikteri – «asfaltta ósken» hám Eýropada bilim alǵan mamandar bolar. Olardy mınıstrlikke jaýapty qyzmetke taǵaıyndamas buryn aýyldyq jerlerdegi densaýlyq saqtaý uıymdaryna jumysqa jiberip, naqty ómir shyndyǵyn kórsetip alý kerek edi, árıne...

Sońǵy jańalyqtar

Judyryqtaı jumylý eldi jigerlendiredi

Saıasat • Búgin, 07:02

Erteńimiz úshin utymdy sheshim

Saıasat • Búgin, 07:00

Alashtyń aq joly ardaqtaldy

Saıasat • Keshe

Kemedeginiń jany bir...

Saıasat • Keshe

Kásip kózi – násip kózi

Ekonomıka • Keshe

Tuńǵysh tóraǵanyń toıy

Qazaqstan • Keshe

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar