Fýtbol • 23 Qyrkúıek, 2022

Top bastady jigitter «tomaǵasyn» sypyryp

117 ret kórsetildi

Qanshama sátsizdik, qan­shama súreńsiz oıyn, ýys­ta turyp sońǵy sekýndtarda sýsyp ketken jeńister, jan­kúıerlerdiń kúıinishi... El fýt­bolyndaǵy osynsha surǵylt kúnderdi sypyryp tastap, bizdiń jigitter jeńiske jetti! Ulttar lıgasynyń «S» tobyn­da utymdy upaı jına­ǵan quramamyz top bastady!

Atalǵan týrnırdiń besinshi týrynda elordada Bela­rýs quramasyn qabyldaǵan jerlesterimiz asa tar­tysty ótken matchta qarsylastaryn 2:1 esebi­men utty. Biz bul jeńisti bekerge tarıhı je­ńis dep atap otyrǵan joqpyz. Munyń eki sebebi bar.

Birinshisi, Qazaqstan men Belarýs fýtbolshylary búginge deıin bes márte resmı match ótkizip, sonyń tórteýinde qonaqtardyń mereıi ústem bolǵan edi. Tek bir kezdesýde ǵana eki eldiń quramasy teń tarqasqan. 2009 jyldan beri Qazaqstan quramasyna «Brest qamalyna» aınalǵan Belarýs qorǵanysy syr berdi. Ekinshisi, osy bir tamasha jeńisten keıin Magomed Adıev basshylyǵyndaǵy bizdiń qurama 13 upaı jınap, «S» dıvızıonynyń úshinshi tobynda jeke-dara kósh bastady. Buǵan deıin qazaqstandyq fýtbolshylar ÝEFA jáne FIFA aıasynda ótken birde-bir týrnırde óz tobynda top bastap kórmegen edi.

Atalǵan jeńis Qazaqstan quramasyna toptaǵy Ázerbaıjanmen ótetin sońǵy oıynnyń nátıjesine qaramaı-aq, kelesi jyldan bastap «V» dıvızıonynda oınaý múmkindigin syılady. Bul degenimiz, 2024 jyly ótetin Eýropa chempıonatyna qatysý múmkindigimiz joǵarylaıdy degen sóz. Tarqatyp aıtar bolsaq, «V» dıvızıonynda Eýropa qurlyǵynyń orta deńgeıli 16 quramasy 4 topqa bólinip oınaıdy. Ár toptyń jeńimpazy kelesi jyly ózara pleı-off básekesin ótkizedi. Sóıtip, tórt myqtynyń arasynan qara úzip shyqqan eki qurama 2024 jylǵy kári qurlyq birinshiliginiń fınaldyq kezeńine joldama alady.

30 myńǵa jýyq jankúıer tamashalaǵan elordadaǵy matchqa toqtalar bolsaq, Qazaq­stan ulttyq quramasynyń bas bap­keri Magomed Adıev maýsym aıyndaǵy oıyndarda alańǵa shyqqan negizgi quram­men salystyrsaq, asa kóp ózgeris jasaı qoıǵan joq. Qaqpany ádettegideı Igor Shaskıı qorǵasa, qorǵanysta Álip, Malyı, Marochkın, Gabyshev, Vorogovskıı bestigi oınady. Jartylaı qorǵanysta Ta­ǵybergen, Darabaev, Zaınýtdınov pen Orazov óner kórsetse, shabýylda Belarýs qaqpasyna gol soǵýdyń sheberi Abat Aıymbetov oınady.

Kezdesýdiń alǵashqy taımy Qazaqstan quramasynyń basymdyǵymen ótkenimen, komandalar úziliske teń nátıjemen shyqty. 24-mınýtta Aslan Darabaevtyń esepti ashatyn tamasha múmkindigi bolǵan edi. Alaıda Belarýs qaqpashysy qyraǵylyq tanytyp, qaqpasyn goldan aman saqtap qaldy. Biraq arada bes mınýt ótkende qorǵaýshy Mıhaıl Ga­byshev báribir qarsylas komandanyń qaq­pasynan sańylaý taýyp, ulttyq qura­many esepte alǵa shyǵardy – 1:0. О́ki­nishke qaraı, jigitter birinshi taımda eseptegi basymdyqty saqtap qala almady. Birinshi taımǵa qosylǵan qosymsha mınýtta Belarýs quramasy aıyp dobynan gol soǵyp ketti. Sóıtip, birinshi taım 1:1 esebimen teń aıaqtaldy.

Úzilisten keıin de qazaqstandyq fýtbolshylar shabýyldaryn bir sátke de toqtatqan joq. 60-mınýtta alǵashqy goldyń avtory Mıhaıl Gabyshev dýbldiń avtory ataný múmkindigin múlt jiberip aldy. Qorǵaýshy men qaqpashyny aldap ótkenimen, sońǵy sátte dopty erkine baǵyndyra almady. Keıinnen Ramazan Orazov pen Abat Aıymbetovte de esepti eseleıtin bir-eki múmkindik bolǵan edi. Olar da sońǵy sátte dáldik tanyta almady. Ekinshi taımnyń belortasyna jetkende match kishkene saıabyrsyǵandaı boldy. Sóıtip, oıyndy kúsheıtý maqsatynda Magomed Adıev alańǵa tyń oıynshylardy shyǵara bastady. Máselen, birinshi goldyń avtory M.Gabyshevtiń ornyna Baǵdat Qaıyrov shyqsa, Ramazan Orazovtyń ornyn Elhan Astanov basty. Arada kóp ýaqyt ótpeı bul ózgeris óz nátıjesin berdi. Belarýs qaqpasynyń mańyndaǵy kelesi bir qarbalas sátte Baqtıer Zaınýtdınov jeke sheberliginiń arqasynda Belarýs qaqpasyna ekinshi goldy soǵyp ketti. Bul – jartylaı qorǵaýshymyzdyń ulttyq qurama jeıdesindegi 22-oıynyndaǵy mereıli onynshy goly boldy.

Match sońyna qaraı Belarýs fýtbolshylary esepke ózgeris engizetin birneshe qaýipti shabýyl uıymdastyrdy. Qaqpashy Igor Shaskııdiń sheberligi bolmaǵanda oıyn teń eseppen aıaqtalýy ábden múmkin edi. Abyroı bolǵanda qonaqtar qaqpamyzǵa bir goldan artyq dop soǵa almady. Sóıtip, eki quramanyń Astanada ótken ekinshi kezdesýi Qazaqstan quramasynyń tarıhı jeńisimen aıaqtaldy.

Endi Qazaqstan quramasy toptaǵy sońǵy oıyndy 25 qyrkúıek kúni syrt alańda Ázerbaıjan fýtbolshylarymen ótkizedi. Eki qurama arasyndaǵy alǵashqy match elordada ótip, onda jerlesterimiz 2:0 esebimen basym túsken edi. Matchtaǵy eki goldy da «Astananyń» shabýylshysy Abat Aıymbetov soqqan bolatyn. Ázerbaıjan men Qazaqstan quramalary arasyndaǵy qarymta kezdesý Bakýdegi 31 myń jankúıer syıatyn Tofık Bahramov atyndaǵy respýblıkalyq stadıonda ótedi. Match elorda ýaqytymen 22:00-de bastalady.

Sońǵy jańalyqtar

Messı jeńiske jeteleı almady

Fýtbol • Búgin, 07:35

Shırek fınalǵa ótti

Tennıs • Búgin, 07:33

Tórtinshi orynǵa turaqtady

Tennıs • Búgin, 07:32

Jýrnalıster arasyndaǵy jarys

Qoǵam • Búgin, 07:30

Júldeniń aýyly alys emes

Sport • Búgin, 07:28

Shırek fınalǵa shyqqandar belgili

Sport • Búgin, 07:27

Barymtaǵa – «qarymta»

Qoǵam • Búgin, 07:25

Asyq atýdan álem chempıony

Ulttyq sport • Búgin, 07:24

Úzdik pedagogke – jeńil kólik

Bilim • Búgin, 07:22

Adam kapıtalyn arttyrýǵa arnalady

Ekonomıka • Búgin, 07:20

Jańa qundylyqtar – bılik ózegi

Pikir • Búgin, 07:18

Jańa reformaǵa senim zor

Pikir • Búgin, 07:16

Kóptiń kókeıindegini dóp basty

Pikir • Búgin, 07:15

Jol jaqsarmaı, is ońǵarylmaıdy

Pikir • Búgin, 07:13

Úmit sózi

Pikir • Búgin, 07:12

Bul – bolashaqtyń tańdaýy

Pikir • Búgin, 07:08

Ashyqtyqty arttyratyn ıgi ister

Qazaqstan • Búgin, 07:05

Quqyq ústemdigi – kelisim kepili

Qazaqstan • Búgin, 07:03

Judyryqtaı jumylý eldi jigerlendiredi

Saıasat • Búgin, 07:02

Erteńimiz úshin utymdy sheshim

Saıasat • Búgin, 07:00

Alashtyń aq joly ardaqtaldy

Saıasat • Keshe

Kemedeginiń jany bir...

Saıasat • Keshe

Kásip kózi – násip kózi

Ekonomıka • Keshe

Tuńǵysh tóraǵanyń toıy

Qazaqstan • Keshe

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar