Osydan úsh jyl buryn janarmaı quıý stansalary (JMQS) jelisine jańa menshik ıesi ıe boldy. Naqty aıtsaq, «PetroRetail» JShS ony «QazMunaıGazdan» satyp alyp, jelini tolyǵymen jańǵyrtý, el boıynsha úlgili etýdi óz aldyna maqsat etip qoıdy.
2020 jyldyń basynan beri kompanııa 200 jańa Qazaq Oil JMQS-yn qaıtadan iske qosty. Osylaısha, búgingi kúni «QazMunaıGaz» JMQS brendimen jumys istep kele jatqandardy qosa alǵanda, jelidegi janarmaı quıý stansalarynyń sany 381-ge jetti. 2023 jyldyń sońyna deıin kompanııa óziniń barlyq janar-jaǵarmaı quıý stansalaryn jańǵyrtýdy aıaqtaýdy josparlap otyr. Sondaı-aq jeli elimizdiń iri qalalarymen qatar shaǵyn eldi mekenderdi de qamtyǵan.
Memlekettik jekeshelendirý baǵdarlamasy aıasynda aktıvti satyp alý prosestiń barlyq qatysýshysyna paıdaly bolǵanyn atap ótken jón. JMQS jelisin satýdan 163 mln AQSh dollarynan astam mólsherde qomaqty soma alǵan memleket utty. «QazMunaıGaz» UK da utty. Tutynýshylar da utty: olar kólikterine sapaly janarmaı quıyp, keń assortımenttegi tutyný taýarlaryn satyp alý múmkindigine ıe boldy. Memlekettik bıýdjetke salyq túsimderi de aıtarlyqtaı ulǵaıdy. Eger 2019 jyly olar shamamen 400 mln teńgeni qurasa, 2021 jyldyń qorytyndysy boıynsha kompanııa 9 mıllıard teńgeden astam qarjy tóledi. Jumyskerler sany 3200-den 4500 qyzmetkerge deıin kóbeıdi. Olardyń jalaqysy 3 jylda 57 paıyzǵa kóterildi.
Álbette, QMG brendi – bedeldi, tanymal brend. Alaıda kompanııa óz ataýy bolýyn qalady. Sóıtip, janarmaı quıý stansalaryn Qazaq Oil dep ataý týraly sheshim qabyldandy. Bir jaǵynan, bul bastaýǵa oralý: QMG Qazaq Oil jelisin damytýdan bastalǵan bolatyn. Ekinshi jaǵynan, bul eldiń óziniń ulttyq JMQS jelisi bolýyna umtylys.
Jańa brendpen alǵashqy janarmaı quıý stansasy 2020 jyldyń qarasha aıynda Astanada ashyldy, al ótken jyldyń qyrkúıegine qaraı olardyń sany 100-ge jetti. Osy oqıǵadan týra bir jyl ótken soń Qazaq Oil taǵy 100 janarmaı quıý stansasyn ashty. Osylaısha, jańa janarmaı stansalarynyń sany 200-ge jetti. Sóıtip, jaqynda Semeıde eki júzinshi janarmaı quıý stansasy iske qosyldy.
Osy oraıda bir shaǵyn janarmaı quıý stansasynyń rebrendıngine 200 mln teńgege deıin qarajat qajet ekenin aıta ketken jón. Eki jyl ishinde zaem jáne óz qarajaty esebinen kompanııa bul iske 39,2 mlrd teńge ınvestısııalady.
Kompanııanyń bıznesti damytý strategııasy qatty ózgeriske ushyrady – JMQS kádimgi janar-jaǵarmaı quıý stansasy bolýdan qaldy. Ol jyly da jaıly dámhanany, tegin symsyz jelisi bar alańdy jáne úıge arnalǵan taýarlardyń úlken assortımenti bar dúkendi bildiredi. Klıent qaı janar-jaǵarmaı quıý stansasynda bolsa da, kofe, hot-dog, sendvıch, krýassan, súzbeli quımaq satyp ala alady – Qazaq Oil-diń óziniń Q-cafe saýda markasy bar. Janarmaı quıý kesheni alys jolda júretin júk kólikteriniń júrgizýshilerin, týrısterdi, avtokólik júrgizýshilerin qyzyqtyratyn orynǵa aınaldy.
Janarmaı quıý stansalarynyń geografııasy da keńidi. Olar buryn eshteńe bolmaǵan jerlerde de paıda boldy. Mysaly, Yrǵyz kentindegi Shymkent-Samara, Batys Eýropa-Batys Qytaı tasjoldary boıynda, Dossor, Rýdnyı, Shetpe, Aral, Saryaǵash, Jaısań jáne t.b. eldi mekenderde.
Sonymen qatar Qazaq Oil tujyrymdamasynyń biri – ulttyq biregeılikke umtylý, ıaǵnı Qazaqstannyń túrli qalalaryndaǵy janar-jaǵarmaı quıý stansalary ulttyq brend retinde qalyptasýda. Mysaly, Shýchınskidegi JMQS ulttyq kıimdegi qyz beınelengen ádemi mýralmen bezendirilgen. Janarmaı quıý stansalaryn bezendirý úshin qazaqstandyq sýretshiler tartylýda.
Sondaı-aq kompanııa sporttyq jáne qaıyrymdylyq bastamalaryn belsendi qoldap keledi. Mysaly, Qazaq Oil – ataqty qazaqstandyq boksshy Danııar Eleýsinov pen Qazaqstannyń ústel tennısi federasııasynyń demeýshileriniń biri. Kompanııa Qostanaı oblysynda bolǵan iri órtti joıý úshin tegin dızel otynyn bóldi, sonymen qatar osy qaıǵyly oqıǵa saldarynan zardap shekkenderge 50 mln teńge mólsherinde qarjylyq kómek kórsetti.
