Taılandtyń premer-mınıstri Abhısıt Vetchachıva elde áskerılerdiń kúshimen tártip ornatylǵanyn resmı túrde málimdedi. Oppozısııanyń uıymdastyrýymen eki jarym aıdaı qarsylyq áreketterinen adam qurbandyǵy bolyp, jalpy el ekonomıkasyna aıtarlyqtaı nuqsan kelgen edi. Úkimettiń kelisimge shaqyrǵan usynystaryna oppozısııa basshylary oryndalmaıtyn talaptarmen jaýap berdi.
Endi tártip ornyqqan soń da úkimet eldi bólgen qaıshylyqty sheshýdiń jolyn izdestirmek bolyp otyr.
Iran men ýran
Qazir bul eki uǵym qatar atalady. Irannyń ýrandy joǵary deńgeıde baıytqanyna álem qarsy. О́ıtkeni, odan qarýly ýran alynýy múmkin. Ǵylymǵa, basqaǵa kerek bolsa, jurttyń kóz aldynda baıytylǵan ýrandy basqalardan al deıdi. Sóıtip, bul el baıytylǵan ýrandy Brazılııa men Túrkııadan alýǵa kelisim jasasty. Iаǵnı, óziniń myń jarym tonnadaı ýranyn joǵary baıytylǵan júz kılodan astam ýranǵa aıyrbastaı alady. Aıyrbastaý túrik jerinde ótpek.
Jyǵylǵanǵa — judyryq
Qorǵanys maqsatynda búlinip jatqan Qyrǵyzstanmen aradaǵy shekarany kúsheıtken maqul shyǵar, biraq onsyz da qınalyp jatqan elge ekonomıkalyq qysym jasaý artyq ekeni daýsyz. О́zbekstan Qyrǵyzstannyń ońtústik óńirine tabıǵı gaz berýdi kúrt qysqartty. Buryn bir saǵatta 2,5 myń tekshe metr gaz berip kelse, endi 800 tekshe metr ǵana bosatady. Ras, qyrǵyzdardyń ózbekterge qaryzy da aıtarlyqtaı – 1,6 mıllıard dollar.
Marseldegi meshit
Talaı ret josparlanyp, tipti parlamentte de talqylanyp, búginge deıin júzege aspaǵan Marsel qalasyndaǵy meshit 2012 jyly paıdalanýǵa beriledi. Jáne ol búkil Fransııadaǵy eń úlken meshit bolmaq. Onda bir mezgilde 7 myń adam namaz oqıdy. Jáne onda medrese, kitaphana, meıramhana bolmaq. Al jalpy Fransııada bes mıllıondaı musylman bolsa, sonyń 250 myńdaıy Marselde turady.
Belbeýdi qysqan jón
Bıýdjet tapshylyǵy Eýropanyń kóp elin qysyp tur. Ispanııa úkimeti sol tapshylyqty ishki jalpy ónimniń 11 paıyzy kóleminen 6 paıyzy kólemine deıin qysqartý maqsatynda qatań sharalar belgilep, júzege asyra bastady. Bul sharalar 15 mıllıard eýro kóleminde únem jasaýǵa jetkizbek. Bul úshin bıyldyń ózinde bıýdjettegilerdiń jalaqysy 5 paıyzǵa kemip, 13 myń bıýdjettegi qyzmetker jumystan bosaıdy.
Hrýshevtiń dańǵazasy sekildi
Koreıa Halyq-Demokratııalyq Respýblıkasynyń kósemi Kım Chen Ir halyqtyń aldyna kartopty kóp óndirý mindetin qoıdy. Rasynda da bul – óte túsimdi daqyl. Ashqursaq elge kerek-aq. Elde kartopty kóp ósirý jóninde úlken nasıhat júrgizilip jatyr. Bul ózi kezinde KSRO kósemi Nıkıta Hrýshevtiń júgerini kóp ósirý týraly dańǵazasyna óte uqsas kórinedi.
Urlyqta da rekord bar
Parıjdegi Qazirgi óner mýzeıinen quny 90-100 mıllıon eýro turatyn kartınalar urlandy. Pavlo Pıkasso, Anrı Matıssa sııaqty ataqty sýretshilerdiń shyǵarmalary qoldy bolypty. Biraz adamdy sol shyǵarmalardyń ónerlik qundylyǵynan góri aqshalaı qundylyǵy kóbirek oılandyratyn kórinedi. Alǵashynda urlanǵan shyǵarmalar quny 500 mıllıon eýro dep, ol rekord sanalsa, shyn máninde ol 100 mıllıon kóleminde bolyp, 1990 jyly mýzeıden urlanǵan kartınalardyń baǵasyna jetpeı qalypty. Bireýler rekord bolmaı qaldy dep, oǵan ókinetin sııaqty.
Qaraqshylarǵa ólim jazasy
Iemen soty alty somalılik qaraqshyny ólim jazasyna, taǵy altaýyn on jylǵa sottady. Qaraqshylar ótken jyly Iemenniń tankerin basyp alyp, keme komandasynyń eki múshesin óltirgen bolatyn. Jaza qatal, biraq ádiletti dep qabyldandy. О́tken jyly somalılik qaraqshylar tek Aden shyǵanaǵy men Arab teńizinde 217 ret kemelerge qarýly shabýyl jasapty.
Qaryn — esirtki qoımasy
Lagos áýejaıynda Germanııaǵa ushpaq bolǵan 52 jastaǵy nıgerııalyq saıasatker Eme Zýrý Aıortor ustaldy. Onyń qarnynan eki kılo kokaın tabylypty. Ol 100 gramdyq paketterge salynǵan eken, ıaǵnı 20 paket! Ustalǵanda aıtqan ýáji: 2007 jylǵy saılaýda kóp shyǵyndanypty, endi 2011 jylǵy saılaýǵa da qarjy kerek. Soǵan aqsha jasamaq bolypty.
Ázirlegen Mamadııar JAQYP.
