Qazaqstan • 27 Qyrkúıek, 2022

Sıfrlyq tańbalaý júıesi

97 ret kórsetildi

Taýarlardy sıfrlyq tańbalaý jáne qadaǵalaýdyń biryńǵaı operatory Memlekettik kirister komıtetimen birlesip, temeki buıymdarynyń bólshek saý­dasymen aınalysatyn qazaqstandyq bıznesmenderge arnalyp Petropavl, Kókshetaý jáne Qostanaı qalalarynda taýarlardy sıfrlyq tańbalaý júıesinde jumys isteý boıynsha oqytý semınarlaryn ótkizdi. Jalpy, osyndaı semınarlardy Qazaqstannyń taǵy 15 qalasynda ótkizý josparlanyp otyr.

Semınar-trenıng barysynda ká­sipkerler Naqty Sauda Akt jáne Naqty Sauda Kassa mobıldi qosym­shalarymen jumys isteýge úırenip, ónimdi sıfrlyq tańbalaý júıesi týraly tolyǵyraq aq­parat aldy.

EAEO elderinde, onyń ishinde Qazaq­standa da, sıfrlyq tańbalaý eki ól­shemdi Data Matrix kody arqyly jú­zege asyrylady. Kásipkerler ony ónim oramyna basyp shyǵarady, al tuty­nýshylar ony arnaıy qoldanba arqyly skanerleı alady.

Sıfrlyq tańbalaý ekojúıesinde jalpy úsh mobıldi qosymsha bar:

  • Naqty Onim tutynýshyǵa tańba­lanǵan ónim týraly barlyq aqparatty bilýge múmkindik beredi;
  • Naqty Sauda Kassa 2D skanerin satyp alý múmkindigi joq bólshek saýdagerlerge arnalǵan;
  • Naqty Sauda Akt qabyldaý-tapsyrý aktilerin rastaýǵa nemese qabyldamaýǵa múmkindik beredi.

Sondaı-aq semınar qatysýshy­laryna «Avtomatty túrde kádege jaratý» servısi usynyldy, onyń kómegimen kásipkerler «Temeki ónimderi» ónim tobynda tańbalaý kodtaryn avtomatty túrde kádege jaratý ar­qyly jeńil­de­tilgen fýnksııa arqyly qa­byldaý jáne tapsyrý aktilerin rastaı­dy.

«Ár kásipkerdiń jańartylǵan Naqty Sauda Akt mobıldi qosymshasynyń bar­lyq nusqalaryna qol jetkize oty­ryp, ónimdi tańbalaýdyń mańyz­dylyǵyn jáne onyń kontrafaktilik ónimmen kúrestegi rólin túsinýi óte mańyzdy. Biz taýarlardy tańbalaý jáne qadaǵalaý júıesindegi jumystyń árbir kezeńin jaqsartýǵa tyrysamyz. Bız­nespen baılanys arnalaryn kóbeıttik: táýlik boıy jumys isteı­tin senim telefony bar, vebınarlar, kezdesýler, aqparattyq týrlar ótki­zemiz. Naryq qatysýshylarymen birlese otyryp, taýarlardy sıfrlyq tańba­laýǵa qatysty ár máseleni egjeı-teg­jeıli pysyqtap jatyr­myz», dedi ónim tobynyń joba mened­jeri Leıla Mustafına.

Eske sala keteıik, 2022 jyldyń 13 shildesinde sıfrlyq tańbalaý temeki ónim­derin sáıkestendirý úshin buryn qol­danylǵan aksızdik tańbanyń fýnksııasyn tolyǵymen aýystyrdy. Endi sıfr­lyq tań­balaý kody joq temeki ónim­deriniń aınalymy úshin josyqsyz kásipkerlerdiń taýarlary tárkilenip, lısenzııasynan aıyrylyp, aıyppul tóleýge mindetti bolady.

«Barlyq temeki ónimi arnaıy kod túrindegi sáıkestendirý quraldarymen tańbalanady. Sondaı-aq 2022 jyldyń 1 qańtarynan bastap temeki ónimderin aksızdik tańbalarmen tańbalaý alynyp tastaldy. Osyǵan baılanysty Qa­zaq­stan Respýblıkasyna tasymalda­natyn barlyq temeki ónimi tek sáı­­kestendirý quraldarymen tań­bala­na­dy», dedi Aqmola oblysy boıynsha Memlekettik kirister departamentiniń ákimshilik basqar­masy­nyń aksızdik salyq basqarmasynyń basshysy Erjan Shúlembekov.

Bıyl tamyz aıynda Qazaqstanǵa tańbalanbaǵan 4 mln qoraptan astam temeki zańsyz ákelingen. Atalǵan buzý­shy­lyqtar boıynsha bıýdjetke tóle­netin kedendik tólemder, salyq pen ak­sız­derdiń somasy 1,2 mlrd teńgeni qurady.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar