Osy rette Ishki ister mınıstrligi Kóshi-qon komıteti tóraǵasynyń mindetin atqarýshy Aslan Atalyqov qazirgi jaǵdaıǵa toqtaldy.
– Pandemııadan keıin kóshi-qon salasyna qan júgire bastady. Karantındik shekteýler jeńildetilip, memlekettik shekaranyń qurlyqtaǵy ótkizý pýnktterindegi jaǵdaı turaqtala bastady. Jyl basynan beri elimizge 4 mln 399 myń shetel azamaty keldi. Atap aıtsaq, Reseıden – 1 mln 700 myń (39%), О́zbekstannan – 1,5 mln (34%), Qyrǵyzstannan – 547 myń, Tájikstannan 200 myńnan astam, Belarýsten – 53 myń, Túrkııadan – 68 myń, Germanııadan 43 myń adam el shekarasyn attady. Osy ýaqyt ishinde Qazaqstan arqyly 4 mln 155 myń adam shetelge ketti. Onyń ishinde Reseı Federasııasynyń 1 mln 666 myń azamaty, 1 mln 370 myń О́zbekstan azamaty, 540 myń Qyrǵyzstan azamaty, 196 myń Tájikstan azamaty bar, – deıdi Aslan Atalyqov.
Reseı Federasııasy azamattarynyń ımmıgrasııasyna keńinen toqtalǵan IIM ókili 2019 jyly pandemııa bolmaǵan kezde Qazaqstanǵa 2 mln 875 myń reseılik kelgenin málimdedi. «Iаǵnı sol kezde 3 mıllıonǵa jýyq adam kirdi. Al bıyl 9 aıda 1 mln 600 myń adam tirkeldi, ıaǵnı áldeqaıda az. Dese de Reseı bıliginiń taıaýdaǵy sheshimderinen keıin ótken aptadan bastap Reseı Federasııasynan emıgranttar aǵyny kóptegen baǵytta, onyń ishinde Qazaqstanǵa da ulǵaıdy. Sondyqtan da Reseı Federasııasynyń shekarasy jaǵynan keptelis baıqalady. Bul jerde qazaqstandyqtardyń múddelerin de atap ótý mańyzdy. Kún saıyn 40-qa jýyq jáne myńnan asa azamat Qazaqstannan shyǵady. Kún saıyn 15-17 myń qazaqstandyq Reseı Federasııasyna barady, onda týystary, balalary oqıdy, ata-analary turady, bıznes jáne basqa da sharýalary bar. Iаǵnı shekaralardaǵy keptelis otandastarymyzǵa da keri áserin tıgizýde», dedi Kóshi-qon komıtetiniń qyzmetkeri.
Qazaqstannyń Reseımen qurlyq shekarasynyń uzyndyǵy – 7 591 km. Bul – álemdegi eń uzyn qurlyq shekarasy. Sáıkesinshe, Reseı Federasııasynyń azamattary úshin Qazaqstannyń tranzıttik áleýeti joǵary. Resmı jańalyqtardan Reseı áýejaılarynda úlken suranysqa baılanysty áýe bıletterine qatysty problemalary bastalǵanyn ańǵarýǵa bolady.
– Tranzıtke keletin bolsaq, sońǵy birneshe kúnde Qazaqstannan Reseı Federasııasynyń 40 myńnan asa azamaty ketti. Myńdaǵan adam Qazaqstan arqyly ońtústik kórshilerimiz Qyrǵyzstan men О́zbekstanǵa attandy. 5 kún ishinde 6 myńǵa jýyq reseılik Qazaqstannan bizdiń áýejaılar arqyly ushyp shyqty. Kóshi-qon baqylaýyna keletin bolsaq, zańnama bul prosesterdi jáne sheteldikterdiń Qazaqstanda bolý tártibin retteıdi. Olardyń esebi júrgiziledi. Bolý merzimi baqylanady. Kóshi-qon zańnamasyn buzýshylarǵa kózdelgen den qoıý sharalary qabyldanady, – dedi A.Atalyqov.
