Vıse-premer mınıstrlik qyzmetiniń ózekti máseleleri týraly, atap aıtqanda, Qazaqstan naryqtaryn azyq-túlik taýarlarymen tolyqtyrý jáne áleýmettik mańyzy bar azyq-túlik taýarlarynyń baǵasyn turaqtandyrý boıynsha qabyldanyp jatqan sharalar jaıynda aıtty.
«Bizdiń basty mindetimiz – baǵanyń kúrt kóterilýine jol bermeý. Bul baǵyttaǵy jumystardy mınıstrlik ortalyq memlekettik organdarmen jáne ákimdiktermen, taýar óndirýshilermen, bólshek saýdamen jáne naryqtyń basqa da sýbektilerimen birlesip júrgizip jatyr. Áleýmettik mańyzy bar azyq-túlik taýarlarynyń baǵalyq qoljetimdiligin qamtamasyz etý boıynsha jumystar belsendi júrgizilýde. «Aınalym shemasy» boıynsha qarjylandyrý tetigi qaıta formattaldy», dedi Serik Jumanǵarın.
Kezdesý barysynda maýsymaralyq kezeńde Ortalyq Azııa elderinen erte ımporttyq jemis-kókónis ónimderin forvardtyq satyp alýdy uıymdastyrý boıynsha jumystar qolǵa alynǵany aıtyldy.
«Taǵy bir mańyzdy mindet – taýarlyq balansty qalyptastyrý prosesin avtomattandyrý boıynsha jumystardy uıymdastyrý. Memleket basshysynyń tapsyrmasy boıynsha jyl sońyna deıin ulttyq taýar ótkizý júıesin iske qosý josparlanyp otyr», delingen habarlamada.
Ser Sýma Chakrabartı qabyldanyp jatqan sharalardyń tıimdi jáne ýaqytyly ekenin atap ótip, óz óndirisin damytý ishki naryqty áleýmettik mańyzy bar azyq-túlikpen qamtamasyz etýge múmkindik beretinin aıtty.
