Qoǵam • 01 Qazan, 2022

Tamara Dúısenova zeınetkerlerdi Qarttar kúnimen quttyqtady

134 ret kórsetildi

Eńbek jáne halyqty áleýmettik qorǵaý mınıstri Tamara Dúısenova Qazaqstannyń barlyq zeınetkerlerin Qarttar kúnimen quttyqtap, aǵa urpaq ókilderine zor densaýlyq, uzaq ǵumyr, beıbitshilik pen amandyq tiledi, dep habarlaıdy Egemen.kz mınıstrliktiń baspasóz qyzmetine silteme jasap.

«Asa qurmetti zeınetkerler, sizderdi shyn júrekten Qarttar kúnimen quttyqtaımyn! Aǵa býyn ókilderimiz – elimizdiń altyn qory, halqymyzdyń danalyǵy men dástúrin saqtaýshylar, jas urpaqqa úlgi kórsetetin, óz isterine berik, aqylshy danagóılerimiz.

Qarttarǵa qamqorlyq jasaý memleketimizdiń áleýmettik saıasatynyń negizgi baǵyttarynyń biri. Jyl saıyn bazalyq jáne yntymaqty zeınetaqy mólsheri artyp keledi. Osy maqsattarǵa bıýdjetten 3 trln teńge bólinýde. Bıyl zeınetaqy tólemderin eki ret ındeksteý júrgizildi», dedi T. Dúısenova.

Sonymen qatar Memleket tarapynan zeınetaqymen qamsyzdandyrý júıesin jetildirýge baǵyttalǵan sharalar qabyldanýda. Memleket basshysynyń Qazaqstan halqyna Joldaýynda aıtylǵan tapsyrmalardy oryndaý maqsatynda, Áleýmettik kodeks jobasy aıasynda zeınetaqy tólemderin arttyrý joldary kózdelgen. Bul sharalar 2025 jylǵa qaraı jıyntyq zeınetaqyny orta eseppen 27% - ǵa ulǵaıtýǵa múmkindik beredi.

Mınıstr quttyqtaý sózinde eńbek jáne halyqty áleýmettik qorǵaý mınıstrligi tarapynan qarttardy qoldaýǵa, olarǵa áleýmettik qyzmet kórsetý deńgeıin arttyrý men qoǵamdyq ómirge tartý boıynsha is-sharalar ázirlenip jatqanyn atap ótti. Elimizde 51 belsendi uzaq ómir súrý ortalyǵy ashylyp, olar belsendi jumys isteıdi. Onda qart adamdar qyzyǵýshylyqtaryna qaraı túrli dárister taba alady.

«Qurmetti ardagerler men zeınetkerler, osy aıtýly ári tamasha mereke kúni Sizderge zor densaýlyq, qajymas qaırat, uzaq ǵumyr, amandyq pen bereke tileımin! Qarty bar úıdiń – qazynasy bar. Ár kúnderińiz jaqsylyqqa, jaqyndaryńyz ben týystaryńyzdyń meıirimdiligine toly bolsyn», dedi Tamara Dúısenova óziniń aqjarma quttyqtaý sózinde.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar