Tek qyrkúıektiń 2-8 juldyzy aralyǵynda ǵana Qazaqstanda 40-qa jýyq tabıǵı órt jáne 100-ge jýyq janý faktileri anyqtaldy.
Iri órtter Shyǵys Qazaqstan, Abaı, Jetisý jáne Qostanaı oblystarynda tirkeldi.
Eldi alańdatqan jaǵdaı Qostanaı oblysynyń Áýlıekól aýdanynda qalyptasyp, tórt kúnniń ishinde órttiń aýdany 43 000 ga deıin jetti. Alapat órttiń qalyń tútini ormandy jaǵalaı ornalasqan eldi mekenderdegi halyqtyń tynysyn taryltyp, aýyldarǵa órt jaıylý qaýpi tóndi.
Jaǵdaıdyń ýshyǵýyna qatty jeldiń ekpini de yqpal etti.
О́rt bastalǵannan bastap oqıǵa ornyna Tótenshe jaǵdaılar mınıstri Iý.Ilın bastaǵan TJM jedel toby ushyp baryp, órtti sóndirýdi basqardy, eldi mekenderden 2 myńnan astam adam evakýasııalandy.
О́kinishke oraı órt saldarynan 1 adam qaza taýyp, taǵy 12 adam zardap shekti, 91 otbasy turǵyn úısiz qaldy.
О́rtti sóndirý jeldiń 20-23 m/s-qa deıin jetken ekpinine, ósimdikterdiń tyǵyz ósýine, qalyń tútinniń edáýir aýmaqty jaılap ketýine, kirme joldardyń bolmaýyna jáne tabıǵı sý kózderiniń shalǵaıda ornalasýyna baılanysty qıyndady.
Jedel toptyń úılesimdi is-qımyldary men ýaqtyly qabyldanǵan sharalarynyń arqasynda 4 eldi mekenge, bul Ozernoe, Lesnoe, Amanqaraǵaı jáne Baǵanaly aýyldary men Amanqaraı aýylynyń mańyndaǵy munaı qoımasynyń janýyna jol berilmedi.
О́rt ornyndaǵy ahýaldy baqylap otyrǵan Memleket basshysy Qasym-Jomart Toqaev órttiń odan ári órshý qaýpine qaramastan, Qostanaı oblysyna bardy, Áýlıekól aýdanyndaǵy tabıǵı órtterden zardap shekken aýmaqtardy tikushaqpen aralap shyqty.
О́rt bolǵan jerde Qostanaı oblysyndaǵy órtterdi joıý jónindegi jedel shtabtyń otyrysyn ótkizip, birqatar naqty tapsyrmalar berdi.
Búgingi tańda tabıǵı órt saldarynan zardap shekkenderge qalpyna keltirý, úı salý jumystary júrgizilýde.
Sondaı-aq Prezıdent Tótenshe jaǵdaılar, Ishki ister jáne Qorǵanys mınıstrlikteri bólimsheleriniń jeke quramymen, sondaı-aq órt sóndirýge jumyldyrylǵan eriktilermen kezdesti.
Qasym-Jomart Toqaev tótenshe jaǵdaıdy joıýǵa qatysýshylardyń barlyǵyna kórsetken batyldyǵy úshin alǵys bildirip, olardyń marapattaýǵa usynylatynyn atap ótti.
Sondaı-aq Memleket basshysy azamattyq qorǵaý organdary qyzmetkerleriniń eńbekaqysy men áleýmettik jaǵdaıyna da toqtaldy.
«Jańa Qazaqstan – shyn máninde ádil Qazaqstan», dedi Qasym-Jomart Toqaev Amanat partııasynyń kezekten tys sezinde.
Shyn máninde, jedel áreket etý jáne tótenshe jaǵdaılardyń saldaryn joıý, adam ólimine jol bermeý, zalaldy barynsha azaıtý, qaýipsizdikti qamtamasyz etý – bul azamattyq qorǵaý organdary qyzmetkerleriniń negizgi mindeti bolyp tabylady.
Tótenshe jaǵdaılar mınıstrliginiń qyzmetkerleri Memleket basshysynyń tańdaǵan joly – Jańa Qazaqstandy tolyq qoldaıdy.
Nurbolat DERBISOV,
QR TJM О́rtke qarsy qyzmet komıtetiniń tóraǵasy
