Jýyrda Ulttyq volonterlik jelisi volonterlik uıymdarynyń jınalysy ótip, jastar aldaǵy prezıdenttik saılaý jóninde óz oılaryn ortaǵa saldy. Jastar elimizde Volonter jylynyń bekitilýine, ózge de bastamalarynyń júzege asýyna Memleket basshysy Qasym-Jomart Toqaevtyń eńbegi zor ekenin aıta kele, ony jańa merzimge prezıdentke úmitker retinde usyný bastamasyn kóterdi.
– Volonterliktiń damýynda el Prezıdenti Qasym-Jomart Toqaevtyń qosqan eleýli úlesin atap ótý mańyzdy. Onyń tikeleı qoldaýy nátıjesinde halyqaralyq jáne respýblıkalyq deńgeılerde volonterlik qyzmetti damytý bastamalary jáne birqatar strategııalyq mańyzdy qujat qabyldandy. Prezıdent 2020 jyldy «Volonter jyly» dep jarııalaý bastamasyn qoldady. Bul sheshim óte mańyzdy ról atqardy. Sebebi COVID-19 pandemııasymen kúreste medısına jáne ózge de qyzmettermen birdeı aldyńǵy qatarda volonterler de boldy. Bul volonterlik jobalar úshin granttardy damytýǵa, pandemııa kezinde kórsetken azamattyq belsendiligi úshin «Halyq alǵysy» memlekettik medalin taǵaıyndaýǵa yqpalyn tıgizdi.
Prezıdent volonterlerge «izgi nıeti men taza ar-ojdany bar asyl adamdar» retinde senim artady. Qazaqstan Prezıdentine degen senim mandatymyz elimizdiń kórkeıýi men halqymyzdyń múddesi úshin baǵyttalǵan memlekettik baǵdarlamalar men aýqymdy reformalardy júzege asyrýǵa múmkindik beretinine senimdimiz. Bizdiń Prezıdentimiz volonterlik qozǵalysty qoldaıdy, endeshe, biz de óz Prezıdentimizdi qoldaıyq! – dedi Ulttyq volonterlik jelisiniń tóraǵasy Vera Kım.
Keıingi jyldary elimizde volonterlik qozǵalysy jalpyulttyq masshtabqa ıe bolǵanyn atap ótken jón. Aınaladaǵy ómirdi jaqsy jaqqa ózgertýge, kómek kórsetýge jáne meıirimdilik jasaýǵa múmkindigi bar ekendigin sezip jatqan qazaqstandyqtardyń sany artyp keledi. Búginde elimizde 200 myńnan astam volonter jumyldyrylǵan 600-den astam volonterlik uıym jumys atqaryp jatyr.
