«Búgin Joǵarǵy Keńestiń otyrysynda depýtattar Qyrǵyz Respýblıkasy Joǵarǵy Keńesiniń tóraǵasyn saılady. Tóraǵa laýazymyna depýtat Nurlanbek Shákıev usynyldy. Bıýlletenderdi paıdalana otyryp, jasyryn daýys berýdiń qorytyndysy boıynsha, Qyrǵyz Respýblıkasy Joǵarǵy Keńesiniń Tóraǵasy bolyp depýtat N.Shákıev saılandy. Onyń kandıdatýrasyna Joǵarǵy Keńestiń 80 depýtaty daýys berdi», delingen resmı habarlamada.
45 jastaǵy N.Shákıev 2021 jyly parlament depýtaty bolyp saılandy. Ol – «Ata-Jurt Qyrǵyzstan» parlamenttik fraksııasynyń jetekshisi. 2006-2010 jyldary Qyrǵyzstannyń burynǵy prezıdenti Qurmanbek Bakıevtiń baspasóz hatshysy qyzmetin atqarǵan. 2010-2011 jyldary respýblıkanyń Mádenıet jáne aqparat mınıstrligin basqardy.
Eske salaıyq, keshe parlamenttiń burynǵy spıkeri Talant Mamytov óz erkimen otstavkaǵa ketetinin málimdegen edi.
