Ol 1967 jyly 2 aqpanda Almatyda týǵan.
1991 jyly Almaty energetıkalyq ınstıtýtyn bitirdi. О́ziniń dıplomatııalyq mansabyn 1993 jyly referent laýazymynan bastaǵan.
Qazaqstannyń Pákistandaǵy, Aýstrııadaǵy elshilikterinde, Qazaqstannyń Nıý-Iorktegi BUU janyndaǵy Turaqty ókildiginde jumys istep, onda BUU Bas Assambleıasynyń Úshinshi komıtetiniń, BUU túrli organdaryna saılaýdyń máselelerin júrgizdi, sondaı-aq Qazaqstannyń Vena qalasyndaǵy EQYU janyndaǵy Turaqty ókildiginde qyzmet atqardy.
Qazaqstannyń EQYU-ǵa tóraǵalyǵy kezinde Uıymnyń ekinshi ólsheminiń (ekologııa jáne ekonomıka máseleleri) jumysyn úılestirdi.
QR SIM-niń Almatydaǵy ókildiginiń keńesshisi bolyp, Qazaqstannyń halyqaralyq uıymdarmen yntymaqtastyq máselelerine jetekshilik etti.
Ortalyq apparatta Kópjaqty yntymaqtastyq departamentin basqardy. 2019-2021 jyldary Qazaqstannyń Pákistandaǵy elshisi, al 2021-2022 jyldary Syrtqy ister mınıstriniń orynbasary boldy.
Qazaqstannyń Nıý-Iorktegi BUU janyndaǵy Turaqty ókili laýazymyna taǵaıyndalǵanǵa deıin 2022 jyldan bastap Syrtqy ister mınıstriniń birinshi orynbasary boldy.
I synypty Tótenshe jáne О́kiletti Ýákil dıplomatııalyq dárejege ıe.
