Aımaqtar • 07 Qazan, 2022

Pavlodar oblysynda iri metallýrgııalyq klaster qurylady

39 ret kórsetildi

Elimizde alǵash ret bir alańda ferroqorytpa óndiretin kásiporyn, bolat balqytatyn keshen jáne temir shyǵaratyn DRI fabrıkasy sııaqty 3 joǵary tehnologııalyq nysan salynady, dep habarlaıdy Egemen.kz

Metallýrgııalyq klaster qurý jobasyn otandyq «Mineral Product» JShS ońtústik koreıalyq tehnologııa seriktesimen birlesip júzege asyrýda.

Aýqymdy jobany iske asyrý týraly ýaǵdalastyqqa Memleket basshysy Qasym-Jomart Toqaevtyń 2021 jylǵy tamyz aıynda Koreıa Respýblıkasyna jasaǵan sapary aıasynda qol jetkizilgen bolatyn. Onyń nátıjesinde «Mineral Product» JShS men ońtústik koreıalyq SAC Co ınjınırıngtik kompanııasy ferroqorytpa óndiretin zaýyt qurylysyn salý týraly ózara Kelisimge qol qoıdy.

Jobany tanystyrý barysynda bolashaq ferroqorytpa shyǵaratyn kásiporynnyń irgetasyna kapsýla salyndy. Sondaı-aq metallýrgııalyq klasterlik jobalardy birlesip júzege asyrý týraly Hyundai Rotem jáne POSCO International kompanııalary arasynda ózara yntymaqtastyq týraly memorandýmǵa qol qoıyldy.

Jylyna qýattylyǵy 160 myń tonna ónim shyǵaratyn ferroqorytpa óndiretin zaýyttyń qurylysy men ony iske qosýǵa 360 mln AQSh dollary kóleminde ınvestısııa salynǵan. Jobanyń tehnologııalyq artyqshylyǵy – keń kólemdegi jáne premıým segmentti ferroqorytpa ónimderin shyǵarýy. Zaýyt ónimi alǵashynda eksportqa baǵyttalmaq. Keıinnen baryp ishki naryqty qamtamasyz etý kózdelip otyr.

Al bolat qorytatyn keshen jáne DRI fabrıkasynyń qurylysy men olardy iske qosýǵa 1,5 mlrd dollar kóleminde qarjy jumsalady. Atalǵan jobalar júzege asqan jaǵdaıda jylyna 3 mln tonna keń kólemdegi bolat ónimderin shyǵarý josparlanyp otyr.

«Qazaqstannyń ishki naryǵynda metallýrgııalyq ónimderge degen joǵary suranys, eldegi metallýrgııalyq salany damytýdyń mol múmkindigi jáne memleket tarapynan ınvestorlarǵa jasalatyn qoldaý men ınvestısııalyq ahýaldyń oń bolýy arqasynda atalǵan jobany iske asyrýǵa múddelimiz. Pavlodar oblysynda qajetti shıkizat pen resýrstar qory jetkilikti. Atap aıtqanda, óńirde elektr energııasy, temir rýdasy, kvarsıt, kómir qory jetkilikti. Sonymen qatar bul tarapta bilikti mamandar da aıryqsha ról atqarady. Bizdiń kásiporyndarda qazaqstandyq mamandardyń jumys isteýine basymdyq berip otyrmyz. Buǵan sebep te joq emes. Qazaqstandaǵy metallýrgııalyq salada bilimdi, tájirıbeli kadrlar jetkilikti», deıdi kompanııanyń aksıoneri Sergeı Kan.

Kómirtekti beıtaraptyq Tujyrymdamasy aıasynda qol jetkizilgen Parıj kelisimindegi mindettemelerdi iske asyrý sheńberinde metallýrgııalyq klaster salasynda ónim óndirýde álemdik úzdik tehnologııalar qoldanylmaq. Bul sheshim jobanyń tıimdiligin arttyrady. Budan bólek, zamanaýı tehnologııalardyń qorshaǵan ortaǵa tıgizetin áseri tómen bolmaq.

Osy rette aıta keterligi, óńirdiń óndiristik qýattylyǵyn zerdeleýge jáne SO2 ýtılızasııalyq tehnologııasyn qoldanýdyń tetikterin saraptaý boıynsha jobaǵa Qazaqstan munaı jáne gaz ınstıtýty men Schlumberger kompanııasy tartylyp otyr.

Klaster quramyndaǵy úsh kásiporyn tolyq iske qosylǵan kezde 2 700 jańa jumys orny ashylady. Onyń 826-sy ferroqorytpa óndiretin kásiporynda qurylmaq

Sońǵy jańalyqtar

Qaterli isikti emdeýdiń jańa ádisi

Medısına • Búgin, 21:15

Qaterli isikti emdeýdiń jańa ádisi

Medısına • Búgin, 21:15

Jumysshylarǵa suranys kóp

Qoǵam • Búgin, 21:09

Aıan týraly baıan

Rýhanııat • Búgin, 21:07

eGov Mobile qosymshasyna júginedi

Qoǵam • Búgin, 21:06

Qurylysty sıfrlandyrý deńgeıi tómen

Qazaqstan • Búgin, 21:05

Úzdikter anyqtaldy

Fýtbol • Búgin, 21:04

Jigitter jigersizdik tanytty

Sport • Búgin, 21:03

Fransııa – pleı-offta

Fýtbol • Búgin, 21:01

Baqyttyń mekenin ulyqtaǵan joba

Qoǵam • Búgin, 20:58

Aıazdaǵy apat

Aımaqtar • Búgin, 20:57

Arheolog asýlary

Qoǵam • Búgin, 20:54

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Uqsas jańalyqtar