«Kezdesýde jalaqy tóleý júıesi, oqýda artta qalǵan balalarmen jumys, «Jaıly mektep» ulttyq jobasyn júzege asyrý, qaýipsizdikti qamtamasyz etý, mektep psıhologtarynyń jumysy, muǵalimderdiń attestasııadan ótý erejeleri, ata-analarmen jumysty nyǵaıtý, pedagogterdi qaıta daıarlaý múmkindikteri, jańa MJMBS jáne t.b. sııaqty máseleler talqylandy. Mektep basshylary ózderin qyzyqtyrǵan suraqtaryn qoıyp, usynystaryn aıtty», dep jazdy mınıstr.
Sonymen qatar kolledj dırektorlary men mektepke deıingi bilim berý uıymdary basshylarymen de kezdesip, olardyń suraqtaryna jaýap berip, usynystaryn tyńdady.
«Áriptesterimmen dýaldy oqytýdy damytý, tálimgerlik qyzmetke aqy tóleý, jan basyna shaqqandaǵy qarjylandyrý, «Jas maman» jobasyn júzege asyrý, ınklıýzıvti bilim berýdi damytý, sondaı-aq TjKB jáne balabaqshalardaǵy tamaqtaný máseleleri boıynsha normatıvtik quqyqtyq aktilerge qajetti ózgerister engizý máselelerin talqyladyq. Sonymen birge mektepke deıingi uıymdarda pedagog-assıstent laýazymyn engizý máselesi de nazardan tys qalǵan joq. Kolledj dırektorlarynyń negizgi máselesi TjKB-da oqý úshin jan basyna shaqqandaǵy qarjylandyrý normatıvine qatysty boldy. Bul standart shyn máninde qaıta qaraýdy qajet etedi. Osy máseleni sheshý maqsatynda memlekettik organdarmen belsendi jumys istep jatyrmyz.
Áriptesterime qyzyqty jáne mazmundy pikirtalas úshin alǵys aıtqym keledi. Aıtylǵan usynystar kezeń-kezeńimen júzege asyrylady», dep túıindedi A.Aımaǵambetov.
