Baqytyma oraı osydan eki jyl buryn Vena ulttyq opera jáne La Skala teatrlarynda M.Mýsorgskııdiń «Borıs Godýnov», Dj. Pýchchınıdiń «Bogema» operalaryn tamashalaýyma múmkindik týdy. Dúnıejúzilik opera mádenıetiniń iri ortalyqtary bolyp sanalatyn teatrlardyń qoıylymdaryn kórip, bizdiń Qazaqstanda da osyndaı ádemi óner ordasy bolsa dep tamsanyp edim. Endi mine, sol armanyma jetip otyrmyn. Elordamyzdyń ortalyǵynan boı kótergen «Astana Opera» memlekettik opera jáne balet teatry qazirgi kezde jańa premeralardy kórermenderge usynýda. Sonyń ishinde M.Tólebaevtyń «Birjan-Sara», Dj.Verdıdiń «Attıla» operalary, P.Chaıkovskııdiń «Uıqydaǵy arý», S.Prokofevtiń «Romeo men Djýletta» jáne horeograf B.Eıfmannyń «Roden» baletteri álemdik sahnalarda úlken tabyspen ótti.
Osy jaqynda ǵana teatr sahnasynda qoıylǵan Dj.Pýchchınıdiń «Toska» operasyna tánti boldym. Operany ıtalııalyq dırıjer Antonello Allemandı qoıdy. Basty rólderdi Anna Pırossı, Marselo Alvares, Alberto Mastromarına oryndady.
Bul opera alǵash ret Rımde 1900 jylǵy qańtar aıynda qoıylypty. Operanyń «Astana Operadaǵy» premerasy, álemdik dástúr boıynsha, ıtalıan tilinde ótti. «Toska» – reaksııa dáýirindegi Italııada bolǵan jaǵdaılardy sýretteıtin, erkindikke talpynǵan keń pafosty drama.
Operanyń negizgi úsh keıipkeriniń de partııasy álemdik klassıkalyq ánshiler arasynda keńinen taralǵan. Olardyń arııalary operalyq mýzykanyń injý-marjany qatarynda. Spektakldiń dekorasııasy, keıipkerlerdiń kostıýmderi – bári dramanyń ótip jatqan kezeńin, ishki atmosferany kórsetýge múmkindik týǵyzady.
Bul álemdegi 5 operanyń qatarynda turǵan áıgili týyndy. Ony oryndaǵan ánshiler quramy da joǵary deńgeıli, ásirese, Marselo Alvaresti bóle-jara aıtamyz. Shyn mánindegi kórermenniń qoshemetin kórseńiz... Naǵyz álemdik deńgeıdegi oryndaý, shyrqaý tańdaı qaqtyrdy deseńiz de ábden bolady.
Álemge áıgili ánshilerdiń joǵary kásibı dárejede oryndaý máneri tyńdaýshylardy rahatqa bóledi. Birinshi bólimde dinı qyzmetker Rızashynyń partııasyn oryndaǵan QR eńbek sińirgen qaıratkeri Súndet Baıǵojınniń kásibı deńgeıin erekshe atap ótkim keledi. Ol partııany zor yntamen, bıik kásibı deńgeıde oryndady. Sahnadaǵy balalar hory da jarqyn ári oınaqy óner kórsetip, jandandyrdy. «Astana Operadaǵy» Dj. Pýchchınıdiń «Toska» operasynyń premerasy tyńdaýshylarǵa úlken áser berip, orkestrdiń sońǵy akkordynan keıin olar qoıýshy rejısser, mýzykalyq jetekshi, búkil trýppaǵa uzaq qoshemet kórsetti.
Toıjan EGINBAEVA,
Qazaq ulttyq óner ýnıversıtetiniń professory.
Osy jaqynda ǵana teatr sahnasynda qoıylǵan Dj.Pýchchınıdiń «Toska» operasyna tánti boldym. Operany ıtalııalyq dırıjer Antonello Allemandı qoıdy. Basty rólderdi Anna Pırossı, Marselo Alvares, Alberto Mastromarına oryndady.
Bul opera alǵash ret Rımde 1900 jylǵy qańtar aıynda qoıylypty. Operanyń «Astana Operadaǵy» premerasy, álemdik dástúr boıynsha, ıtalıan tilinde ótti. «Toska» – reaksııa dáýirindegi Italııada bolǵan jaǵdaılardy sýretteıtin, erkindikke talpynǵan keń pafosty drama.
Operanyń negizgi úsh keıipkeriniń de partııasy álemdik klassıkalyq ánshiler arasynda keńinen taralǵan. Olardyń arııalary operalyq mýzykanyń injý-marjany qatarynda. Spektakldiń dekorasııasy, keıipkerlerdiń kostıýmderi – bári dramanyń ótip jatqan kezeńin, ishki atmosferany kórsetýge múmkindik týǵyzady.
Bul álemdegi 5 operanyń qatarynda turǵan áıgili týyndy. Ony oryndaǵan ánshiler quramy da joǵary deńgeıli, ásirese, Marselo Alvaresti bóle-jara aıtamyz. Shyn mánindegi kórermenniń qoshemetin kórseńiz... Naǵyz álemdik deńgeıdegi oryndaý, shyrqaý tańdaı qaqtyrdy deseńiz de ábden bolady.
Álemge áıgili ánshilerdiń joǵary kásibı dárejede oryndaý máneri tyńdaýshylardy rahatqa bóledi. Birinshi bólimde dinı qyzmetker Rızashynyń partııasyn oryndaǵan QR eńbek sińirgen qaıratkeri Súndet Baıǵojınniń kásibı deńgeıin erekshe atap ótkim keledi. Ol partııany zor yntamen, bıik kásibı deńgeıde oryndady. Sahnadaǵy balalar hory da jarqyn ári oınaqy óner kórsetip, jandandyrdy. «Astana Operadaǵy» Dj. Pýchchınıdiń «Toska» operasynyń premerasy tyńdaýshylarǵa úlken áser berip, orkestrdiń sońǵy akkordynan keıin olar qoıýshy rejısser, mýzykalyq jetekshi, búkil trýppaǵa uzaq qoshemet kórsetti.
Toıjan EGINBAEVA,
Qazaq ulttyq óner ýnıversıtetiniń professory.
