2022 jyly ádebıet boıynsha Býker syılyǵy Shrı-Lanka jazýshysy Shehan Karýnatılakaǵa berildi. Qalamgerdiń «Maalı Almeıdanyń jeti aıy» romany qazylar alqasynyń sheshimimen júldege laıyqty dep tanylyp, Londondaǵy saltanatty sharada tabystaldy.
Karýnatılakanyń kitaby - áskerı fotograf Maalı Almeıdanyń ólgennen keıingi ómirdegi shytyrman oqıǵalaryn baıandaıdy.
Romanda 1980 jyldaǵy Shrı-Lanka sýretteledi. Ondaǵy basty keıipker Maalı Almeıda - óli fotograf, oǵan bir apta («jeti aı») beriledi, osy ýaqyt ishinde ol aqyret pen shynaıy álem arasynda saıahattap, shyndyqty ashady. Bul shyndyq - Shrı-Lankadaǵy azamattyq soǵystyń qatygezdigin sýretter arqyly áshkereleý edi.
