«Oblystyń kólik-logıstıka áleýetin arttyrý – basty basymdyqtyń biri. Úkimet ákimdikpen birlesip, óńirdiń kólik jelisin jaqsartý úshin keshendi sharalar ázirleýge tıis. Jolaýshy jáne júk tasymalynyń múmkindigin keńeıtýge jaǵdaı jasaý kerek. Atap aıtqanda, Almaty men Qonaev qalalarynyń arasyndaǵy avtojolmen qatar temirjol jelisin damytý qajet», dedi Prezıdent.
Memleket basshysy óz sózinde buryn Almaty men Qonav arasynda elektr poıyzy qatynaǵanyn eske salyp, ony qaıta iske qosý múmkindigin qarastyrý qajet ekenin aıtty. Prezıdenttiń aıtýynsha, bul shara Almaty mańyndaǵy kólik keptelisin azaıtýǵa yqpal etedi.
«Almaty oblysy Almaty shaharynyń irgesinde jáne Qytaı shekarasyna jaqyn ornalasqan. Munda aımaqaralyq kólik dálizderin damytý asa mańyzdy. Kúre joldar júk jáne jolaýshy tasymalynyń kólemin arttyrady. Sondaı-aq bir oblystyń ǵana emes, tutas eldiń damýyna septigin tıgizedi», dep qosty Qasym-Jomart Toqaev.
