«Almaty oblysyndaǵy bolashaǵy zor salanyń biri – balyq sharýashylyǵy. Qazirdiń ózinde óńirden mal etinen góri balyq ónimderi kóbirek eksporttalady. Bul salanyń qýatyn arttyrý úshin balyq sharýashylyǵynyń kólemin ulǵaıtý kerek. Sondaı-aq óndiristik maqsatta shabaq ósirýdi qolǵa alý qajet», dedi Prezıdent óńir jurtshylyǵymen kezdesýinde.
Sondaı-aq balyq ınspeksııasynyń qyzmetin de jandandyrý keregin aıtty.
«Bizde 2030 jylǵa deıin balyq sharýashylyǵyn damytý baǵdarlamasy bar. Onda Almaty oblysynan shyǵatyn balyq ónimin 25 myń tonnaǵa jetkizý kózdelgen. Osy mindetti oryndaý úshin balyq sharýashylyǵyna beriletin memlekettik qoldaýdyń kólemin arttyrý kerek», dedi Qasym-Jomart Toqaev.
