«Bıyl Ulttyq quryltaı qurylǵanyn bilesizder. Oǵan árbir óńirdiń qoǵamdyq keńesinen bir ókil múshe boldy. Qoǵamdyq keńester halyq pen bıliktiń arasyndaǵy dánekerge aınalýǵa tıis. Kelisim bolsa, kez-kelgen máseleniń sheshimi tabylady. Sondyqtan, halyqtyń ókili retinde belsene jumys isteý qajet.
Turǵyndar ózderińiz arqyly memleket basqarý isine qatysady. Qoǵamdyq baqylaýdy júzege asyrady. Bıýdjet qarajatynyń qalaı jumsalyp jatqanyn qadaǵalaıdy. О́zekti máselelerdi bılik organdaryna jetkizedi. Osylaısha, qoǵamdyq keńes elge memleket saıasatyn túsindiredi. Bir sózben aıtqanda, qoǵamdyq keńesterge zor jaýapkershilik júktelip otyr», dedi Prezıdent.
Memleket basshysy osy keńesterdiń el ishindegi bedelin arttyrýǵa basa mán berý kerek ekendigin atap ótti.
«Onyń músheleri túıtkildi máselelerdi batyl kóterip, ony sheshý joldaryn usynýy qajet. Turǵyndardyń talap-tilegine árdaıym qulaq asyp otyrǵan jón. Jurt sonda ǵana qoǵamdyq keńeske senim artyp, qoldaý kórsetedi. Halyq óz pikirin bılikke keleli keńester arqyly jetkizýi kerek. Sondyqtan memlekettik organdarmen birlesip, úılesimdi jumys jasaý qajet», dep qosty el Prezıdenti.
