«Jumys jyldary, ıaǵnı 1995 jyldan 2022 jyldyń qyrkúıegine deıin TJ qyzmetteri tótenshe jaǵdaılar men órtterdi joıýǵa 1 mln 545 myńnan astam sapar jasady. Olardyń qyzmeti, kásibıligi men jedeldiginiń arqasynda 401 myńnan astam adam qutqaryldy, TJ túrli aımaqtarynan 366 myńnan astam adam evakýasııalandy, 66 myńnan astam zardap shekkenderge medısınalyq kómek kórsetildi», dedi Ibragım Kúlshimbaev Ortalyq kommýnıkasııalar qyzmetinde ótken brıfıng barysynda.
Sondaı-aq vıse-mınıstr bıylǵy jyldyń basynan bastap Tótenshe jaǵdaılardy joıý úshin órt sóndirý qyzmeti, Jedel-qutqarý jáne TJM-niń basqa da bólimsheleri 61 myńnan astam shyǵýdy júzege asyrǵanyn, 9 myńnan astam adamdy qutqarǵanyn, 10 myńǵa jýyq adamdy evakýasııalaǵanyn, 3 myńnan astam azamatqa alǵashqy medısınalyq kómek kórsetilgenin qosa aıtty.
Spıkerdiń aıtýynsha, osy jyly 9 myńnan astam tabıǵı jáne tehnogendik sıpattaǵy tótenshe jaǵdaılar men oqıǵalar tirkelgen. «112» shuǵyl qyzmetteriniń telefondaryna 4 901 489 ret, «101» pýltine 1 143 323 ret qońyraý shalynǵan. 2021 jyldyń uqsas kezeńimen salystyrǵanda tótenshe jaǵdaılardan zardap shekkender sany 0,1%-ǵa óskeni baıqaldy, bul rette qaza tapqandar sany 26,4%-ǵa tómendese, materıaldyq shyǵyn mólsheri 40,3%-ǵa azaıdy.
Eske sala ketsek, búgin Qazaqstanda Qutqarýshylar kúni atap ótiledi.
