Birqatar kezdesýler ótkizdi

Keshe Qorǵanys mınıstri Serik Ahmetov «KADEX-2014» úshinshi halyq­aralyq qarý-jaraq pen áskerı-tehnıkalyq múlik kórmesiniń sheńberinde is-sharaǵa qatysýshylarmen birqatar kezdesýler ótkizdi. Halyqaralyq áskerı-tehnıkalyq ıntegrasııany budan ári nyǵaıtý, bilim jáne kadrlar daıarlaý salalaryndaǵy birlesken jobalardy iske asyrýda ózara tıimdi yntymaqtastyqty damytý máseleleri Túrik Respýblıkasynyń ókilderi – Ulttyq qorǵanys mınıstriniń orynbasa­ry Kemal Iаrdymdjı jáne qorǵanys óner­­ká­si­bi komıteti tóraǵasynyń orynba­sa­ry Sedat Gúldoǵanmen kezdesýde talqy­landy. Pákistannyń qorǵanys mınıstri Tanvır Hýseınmen kezdesý barysynda Qa­zaqstannyń áskerı-tehnıkalyq saıa­satyn iske asyrý, halyqaralyq seriktestermen ózara tıimdi qarym-qaty­nasty damytý úshin «KADEX» kórmesiniń mańyzdylyǵy atalyp ótti. Qazaqstan Respýblıkasy Qarýly Kúsh­terin qazirgi zamanǵy qarý-jaraq júıe­lerimen jáne áskerı tehnıkamen qamta­masyz etý jónindegi jobalardy iske asyrýdaǵy ózara is-qımyldardyń ári qaraıǵy perspektıvasy «Boıng» kompa­nııasynyń prezıdenti Djozef Mak Endrıýmen jáne «Airbus Defense & Space-Militari Aircraft» kompanııasynyń aǵa vıse-prezıdenti Brıjıt Flokpen kezdesý barysynda talqylandy, dep habarlady Qorǵanys mınıstrliginiń baspasóz qyzmeti.