6 qazanda «Ýchastok» JMK ótkizý sheńberinde Aıagóz aýdanyndaǵy sharýa qojalyqtarynyń birinde 55 jastaǵy er adamnyń úıinde myltyq tabyldy.
IIM bazalary boıynsha tekserý barysynda myltyq tirkelmegen. Sot-ballıstıkalyq saraptamanyń nátıjeleri bul qarýdyń atýǵa jaramdy ekenin jáne 1959 jyly shyǵarylǵan 5,6 mm kalıbrli TOZ-8M modeliniń myltyǵy ekenin kórsetti.
Er adamnyń aıtýynsha, ol ony úsh kún buryn sharýa qojalyǵynyń janynan taýyp alyp, polısııa bólimine tapsyrmaq bolǵan.
7 qazanda «Ýchastok» jedel-izdestirý is-sharalaryn júrgizý barysynda Aıagóz aýdanynyń taǵy bir 53 jastaǵy turǵynynan zańsyz qarý tárkilendi. IIM-niń arnaıy bazalary boıynsha tekserý nátıjeleri bul myltyq bazada tirkelmegenin kórsetti. Saraptamaǵa qaraǵanda, bul 1962 jyly shyǵarylǵan 5,6 kalıbrli, № 17690 zaýyttyq myltyq. Er adam Aıagóz О́KM ıesi retinde esepte turmaıdy. Bul myltyq onyń marqum ákesine tıesili ekendigi anyqtaldy.
Joǵaryda kórsetilgen faktiler boıynsha «qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý» QR ǴK 287-babynyń úshinshi bóligi boıynsha sotqa deıingi tergep-tekserý bastaldy. Osy baptyń sanksııasymen bes jylǵa deıingi merzimge bas bostandyǵynan aıyrý qarastyrylǵan.
