«Men búgingi saltanatty jıynǵa túrkistandyq Muhamed Qanseıitti arnaıy shaqyrdym. Ol qaýip-qaterge qaramastan, Týymyzdy jáne Eltańbamyzdy órtten aman alyp shyqty. Osyndaı azamattardyń arqasynda bizdiń memlekettiligimizdiń tuǵyry nyǵaıa túsedi. Biz olardy jastarǵa úlgi-ónege etýimiz kerek.
Otanshyldyq urandaǵan sózden emes, naqty isten kórinedi. Azamattarymyz elimizdiń damýyna tabandy eńbegimen úles qosady. Sondaı-aq qasterli Otanymyzdyń tutastyǵyn erligimen nyǵaıtatyn azamattar da az emes», dedi Memleket basshysy.
Onyń aıtýynsha, keıbir elderdiń turǵyndary óz rámizderin erekshe qadirlep, barlyq jerde asqaqtatyp júredi.
«О́zderińizge málim, meniń tapsyrmam boıynsha elimizde memlekettik rámizderdi paıdalaný erejesi ózgertildi. Árbir azamatymyz qasterli Otanymyzǵa degen súıispenshiligin memlekettik rámizderge qurmeti arqyly kórsete alady. Qazir baıraǵymyzdy qoǵamdyq jerlerde jáne jekemenshik oryndarda qoıýǵa esh tyıym joq», dedi Prezıdent.
