Konferensııanyń aýqymdy kún tártibi «NZM» DBBU Basqarma tóraǵasy Kúlásh Shámshıdınovanyń «О́zgermeli álem úshin balalardyń tutas damýy» atty bas baıandamasynda naqty kórsetildi.
Ǵylymı konferensııaǵa 1500-den astam álemdik bilim berý salasynyń eń tanymal ókilderi jáne qazaqstandyq muǵalimder men ǵalymdar qatysýda.
Konferensııa aıasynda «Aýyldyq mektepter powered by NIS» seriktestik baǵdarlamasy aıasynda «Aýyldyq jerlerdegi 17 tirek mekteptiń áleýetin damytý» aýqymdy jobasynyń aralyq nátıjeleri tanystyryldy. Baǵdarlama sapaly bilim berýdi qamtamasyz etýge jáne qala men aýyldyq eldi mekenderdegi bilim berý júıesiniń alshaqtyǵyn azaıtýǵa baǵyttalǵan.
Bilim berýdi turaqty damytý qory júrgizetin jáne AITAS holdıngi men «Qazaqstan Halqyna» qory qoldaý bildirgen «Aýyldyq mektepter powered by NIS» jobasy Qazaqstannyń 17 oblysy boıynsha 22 mektepti qamtıdy. Onda 17 000-daı oqýshy bilim alyp, 2000 shamasynda muǵalim eńbek etedi. Alǵashqy bes mektepke AITAS holdınginiń negizin qalaýshy, Bilim berýdi turaqty damytý qorynyń quryltaıshysy Serik Tolyqpaev 1 mlrd teńge bóldi.
«Bizdiń maqsatymyz – adamı kapıtaldy damytý. Sondyqtan bilim berý, densaýlyq saqtaý, mádenıet jáne ómir sapasyn jaqsartý salasyndaǵy jobalardy biriktirý jáne yntymaqtasý alańy retinde qor jumysyn uıymdastyrdyq», deıdi Serik Tolyqpaev.
Fınlıandııanyń Iývıaskıýl ýnıversıtetiniń EduCluster Finland ınnovasııalar jáne syrtqy baılanystar jónindegi dırektory, PhD doktor Devıd Marsh: «Buryn biz, ıaǵnı, muǵalimder «Aldymen saǵan bilim beremin, ýaqyt qalsa daǵdy qalyptastyrýǵa kómektesemin, sodan keıin baryp minez-qulqyńa, is-áreketińe mán beremin» deýshi edik. Bul – tek túsindirip, aıtyp berýge baǵyttalǵan eski tásil. Qazir jaǵdaı ózgerdi. Aldymen oqýshynyń ne isteıtinine nazar aýdaryp, artynsha qandaı da bir daǵdy qalyptastyrýǵa úles qosamyz, tek osydan soń ǵana bilim beremiz. Muǵalim tek aqparatqa ǵana emes, qundylyqtarǵa jáne balanyń sabaqqa degen qarym-qatynasyna da beı-jaı qaramaýǵa tıis», degendi aıtty.
Astana forýmynyń kún tártibinde aqparattyq qoǵamdaǵy fýnksıonaldyq saýattylyq, jas muǵalimniń kásibı damýy, formatıvti baǵalaýdaǵy ınnovasııalar, tatý mektep ortasyn qurý, ınklıýzıvti jáne derbestendirilgen oqytý, sıfrlyq oqytýshynyń mıssııasy men bilim berý prosesine jasandy ıntellektti engizý sııaqty jahandyq pedagogıkadaǵy suranysqa ıe taqyryptar qamtylýda.
«Osy «Aýyldyq mektepter powered by NIS» jobasy aıasynda ozyq pedagogıkalyq tehnologııalardy qabyldap, sol arqyly bilim sapasyn arttyrýǵa mán berip otyrmyz. 2000-nan asa muǵalim turaqty túrde bilimin jetildirip, biliktiligin ári qaraı oqý prosesi barysynda tıimdi paıdalanyp júr. Tipti oqýshylarymyzdyń sabaqqa degen yntasynyń áldeqaıda óskenin senimmen aıta alamyz», dedi Bilim berýdi turaqty damytý qory dırektory Danııar Toqtarbaev.
«Balalardy oqý prosesine tartýǵa, olardy qyzyqtyrýǵa, baýrap alýǵa múmkindik beretin teorııadan praktıkaǵa, empırıkalyq tájirıbege basa nazar aýdaratyn sabaqtar men jańa formatty biz únemi qoldaımyz. Bilim berý barysyn shynymen tıimdi etý – bul AITAS holdıngimen jáne Bilim berýdi turaqty damytý qorymen birlesken jumysymyzdyń tamasha nátıjesi», dedi «Nazarbaev Zııatkerlik mektepteri» DBBU Basqarma tóraıymy Kúlásh Shámshıdınova.
Forýmda mańyzdy oqıǵalardyń biri suranysqa ıe qalalardyń, aýyldardyń jáne mektepterdiń qaýipsiz jáne jaıly ortasyn qurýǵa baǵyttalǵan arnaıy seksııalar boldy.
NZM uıymdastyratyn mundaı konferensııalar on jyl ishinde álemdik bilim berýdiń jahandyq trendteri boıynsha strategııalyq sheshimderdi taldaıtyn jáne qabyldaıtyn eń bedeldi halyqaralyq alańdardyń birine aınaldy.
