Qyzyljar aýdanynyń polıseılerine Jaltyr kóliniń mańynda Kia Sorento jol talǵamaıtyn kóliginde belgisiz bireýler mal etin kesip jatqany týraly habarlama túsken. Polısııa departamenti jedel-izdestirý tobynyń qyzmetkerleri tórt er adamdy ustady. Olar ýaqytsha ustaý ızolıatoryna qamaldy.
«Ustalǵandardyń eki sibir eligin atyp, baýyzdaǵany anyqtaldy. Sondaı-aq olardan eki pyshaq, Vepr markaly karabınder, tegis uńǵyly myltyq pen patrondar tárkilendi», dep habarlady SQO PD baspasóz qyzmeti.
Atalǵan fakti boıynsha QR QK 4-bóligi boıynsha sotqa deıingi tergeý amaldary bastaldy. QR QK 337-baby (Zańsyz ańshylyq) boıynsha saraptamalar taǵaıyndalýda.
